viernes, 6 de noviembre de 2026
Sobre a débeda comercial, a ratio de débeda/PIB de Galicia situouse no mes de febreiro no 0,09%, a máis baixa de toda España e inferior á media autonómica, que foi do 0,33%. Ao peche do mes de febreiro a débeda comercial do conxunto das comunidades autónomas era de 4.111 millóns de euros, dos que 61 millóns o 1,48% do total- corresponden a Galicia.
En canto ao pagamento de facturas, os datos do informe elaborado pola Secretaría de Estado de Facenda sitúan a Galicia como a terceira comunidade que paga con máis axilidade as súas facturas, xa que acadou no mes de febreiro un período medio de pago de 23,1 días, o terceiro máis baixo de toda España, por detrás do País Vasco e de Asturias.
Deste xeito, os datos oficiais da Administración do Estado mostran que o período medio de pago de Galicia mantívose case sete días por debaixo do límite que establece a normativa estatal, que é de 30 días. Ademais, a media autonómica situouse en 35,3 días, 12,2 máis que a media rexistrada na Comunidade galega.
O Ministerio de Facenda emprega desde abril de 2018 unha nova metodoloxía de cálculo do período medio de pago a provedores, que se aplica a todas as autonomías.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
