sábado, 12 de septiembre de 2026
As empresas artesás galegas que participan este ano como expositores en Madrid son os talleres de cerámica Branqueta (A Coruña) e Laura Delgado Cerámica (Cambre), o taller especializado en forxa Celso Ferreiro CF Coitelos (A Fonsagrada), os talleres de coiro Jatafarta (Santiago de Compostela) e Santiago Besteiro Design (Monterroso), o taller de xoiaría Ferraxe de Prata (Teo), así como as artesás especializadas en téxtil Boina Galega (Santiago de Compostela), Degerónimo (Santiago de Compostela) e Inés Rir & Co. Deseño Téxtil Artesán (Allariz). Os expositores de produtos gastronómicos de calidade son Adegas Castrobrey (Vila de Cruces), Esencia Atlántica (Muxía), Cosmética Muuhlloa (Monterroso), Costumes. Empanadas de Galicia (Vilalba), Orballo (Paderne), Vermut Lodeiros (Santiago de Compostela), Panadería Divina (Santiago de Compostela), Queixería Daniberto (Vilalba), Sovoral Apicultura Orgánica (Xunqueira de Ambía) e Vermú de Albariño St. Petroni (Padrón).
Como en anteriores edicións, a programación completarase con actividades e talleres de gastronomía e artesanía gratuítos para familias. Tras o éxito da pasada edición o taller de torneado cerámico impartido por Carlos San Claudio será un fixo da programación diaria. Os artesáns María José Martínez e José Antonio Carrera impartirán cinco novos talleres que se alternarán ao longo de toda a duración do evento. Tratarán desde a elaboración de papel artesanal, a encadernación, a creación de papel marmolado, a técnica de impresión xaponesa de gyotaku e o procedemento fotográfico monocromo das cianotipias. A elaboración das figuras protectoras tradicionais de miolo de pan, coñecidas como san andresiños, a cargo do artesán Jorge Bellón será outra das novidades que os asistentes poderán gozar durante o primeiro fin de semana.
No ámbito da gastronomía, o programa de actividades acollerá tres talleres a cargo do recoñecido barista compostelán Óscar de Toro. Así, o sábado 13 impartirá o taller Descubre un leite Únicla. O mesmo día, tamén propoñerá un xogo de sentidos onde o gusto dos asistentes se poñerá a proba. Mediante o taller Sensacións do sabor cataranse alimentos, co nariz e os ollos tapados, probando por exemplo a morder tamén a pebida de uva, para educar o padal á abstrinxencia. Unha vez co gusto ben adestrado, farase unha cata de café, valorando e comentando os diferentes cafés. Por último, o domingo 14, no taller Servicio Perfecto by Estrella Galicia, de Toro, campión Galego de Beer Master, ensinará a tirar a cana perfecta.
Por outra banda, o venres 12 o xefe de cociña Jorge Gago, do restaurante compostelán Amaceta, dirixirá o primeiro dos showcookings que acollerá a aula de cociña da tenda pop up Galicia, Saberes e Sabores e presentará a plataforma de comercialización de produtos de plazadeabastosgalicia.com. Pola súa parte, a cociñeira Lucía Freitas, que conta cunha Estrella Michelin e un Sol Repsol no seu restaurante A Tafona de Santiago de Compostela, tamén impartirá un showcooking o sábado 13 e dirixirá o venres 12 o taller Do mar ao prato, un curso de preelaboración de diferentes peixes, mariscos e algas.
A través do Taller de fusión gastronómica. Da fábrica de Estrella Galicia á mesa o xefe de cociña Pedro Pérez de Bacelo, do restaurante ourensano Taberna Vinaria, dirixirá o luns día 15 un showcooking con materias primas cervexeiras.
Por último, da man de Galicia Calidade, un dos expoñentes da cociña lucense, o xefe de cociña Héctor López do restaurante España de Lugo, que conta con dous Soles Repsol, será o encargado dun showcooking o martes 16.
En paralelo, a Terraza Galicia será un punto de encontro gastronómico e de ocio, que contará cun menú de especialidades galegas. Presentacións de produto, catas e degustacións a cargo dos expositores complementan unha oferta amplísima na que as confluencias entre Artesanía de Galicia e a gastronomía galega mostrarán todo o seu potencial, apostando pola cooperación mutua para continuar fortalecendo unha comunicación que propicie a innovación e as colaboracións transversais e que achegue un valor engadido a cada especialidade.
A nova edición do Pop Up Galicia, Saberes e estará aberta de luns a xoves en horario ininterrompido de 12:30 a 21:30 horas, o venres e o sábado de 12:00 a 22:30 horas e o domingo de 12:00 a 21:30 horas. A Terraza Galicia estará aberta todos os días que dure o evento en horario de 12:00 a 23:00 horas.
A reposición dálle continuidade á aposta do Centro Dramático Galego por recuperar títulos do seu repertorio que manteñen a demanda do público máis alá da súa primeira exhibición. No caso de 'A serie clopen', as 33 funcións ofrecidas no Salón Teatro durante a súa estrea en 2025 reuniron arredor de 5.500 espectadores, antes de iniciar unha serie de representacións por outros espazos de Galicia e de Portugal. O regreso aos escenarios prodúcese despois do recoñecemento acadado pola produción nos Premios de Teatro María Casares, pois obtivo dous galardóns: Natalia Pajarito, como mellor actriz protagonista, e Marta Alonso Tejada, pola dirección de movemento.
O sábado 12 de setembro chegará un dos pratos fortes do ciclo: A Movida Viguesa e a Homenaxe a Golpes Bajos. Esta histórica xornada supón o regreso aos escenarios de artistas fundamentais para comprender a historia musical de Vigo e de Galicia. Bandas e músicos que naceron na cidade e que, desde aquí, conquistaron o panorama nacional e mesmo internacional. Reunir nun mesmo escenario a Golpes Bajos, Semen Up, Miguel Costas de Siniestro Total, Killer Barbies e Stoned at Pompei é moito máis que un concerto: é unha homenaxe a unha xeración irrepetible e a unha cidade que marcou unha época dentro da música española.
