sábado, 12 de septiembre de 2026
O labor de promoción internacional da oferta turística galega céntrase estes días en Portugal, que, segundo o Instituto Nacional de Estatística (INE), é o primeiro mercado estranxeiro que achega máis viaxeiros á comunidade galega. De feito, a súa demanda turística medrou o ano pasado case un 7%.
Así pois, a oferta turística galega está estes días en Lisboa, dentro da feira Mundo Abreu, un certame organizado polo operador turístico Viaxes Abreu no que participan os axentes da compañía e varios destinos turísticos convidados, entre eles Galicia.
Viaxes Abreu é o principal operador turístico de Portugal e cada ano organiza unha feira para presentar as novidades da propia compañía no ámbito das viaxes turísticas e algúns destinos turísticos teñen a posibilidade de presentar a súa oferta ao público que asiste a este certame. Nesta feira, moitos dos visitantes adoitan mercar as súas vacacións atraídos polas ofertas e descontos que se presentan no certame.
Galicia está presente cun recinto aberto ao público a través do que se difunde a súa oferta turística, incidíndose nas posibilidades para esta primavera e o próximo verán.
No eido da demanda turística portuguesa cabe salientar que, segundo o INE, o ano pasado foron máis de 252.000 os portugueses aloxados en establecementos hoteleiros galegos. Estas cifras supuxeron un incremento do 5,4% en relación a 2017, segundo o INE.
Polo que respecta aos peregrinos portugueses que realizan o Camiño de Santiago, as estatísticas da Oficina do Peregrino indican que o pasado ano foron máis de 14.000 portugueses os que fixeron a Ruta xacobea, un 11,3% máis que no mesmo período do ano anterior, datos que sitúan a Portugal como cuarto país estranxeiro con máis Compostelas.
A reposición dálle continuidade á aposta do Centro Dramático Galego por recuperar títulos do seu repertorio que manteñen a demanda do público máis alá da súa primeira exhibición. No caso de 'A serie clopen', as 33 funcións ofrecidas no Salón Teatro durante a súa estrea en 2025 reuniron arredor de 5.500 espectadores, antes de iniciar unha serie de representacións por outros espazos de Galicia e de Portugal. O regreso aos escenarios prodúcese despois do recoñecemento acadado pola produción nos Premios de Teatro María Casares, pois obtivo dous galardóns: Natalia Pajarito, como mellor actriz protagonista, e Marta Alonso Tejada, pola dirección de movemento.
O sábado 12 de setembro chegará un dos pratos fortes do ciclo: A Movida Viguesa e a Homenaxe a Golpes Bajos. Esta histórica xornada supón o regreso aos escenarios de artistas fundamentais para comprender a historia musical de Vigo e de Galicia. Bandas e músicos que naceron na cidade e que, desde aquí, conquistaron o panorama nacional e mesmo internacional. Reunir nun mesmo escenario a Golpes Bajos, Semen Up, Miguel Costas de Siniestro Total, Killer Barbies e Stoned at Pompei é moito máis que un concerto: é unha homenaxe a unha xeración irrepetible e a unha cidade que marcou unha época dentro da música española.
