lunes, 7 de julio de 2025
O presidente da Xunta, Alberto Núñez Feijóo, anunciou hoxe que a nova edición do Galicia Emprende contará cunha achega de 9 millóns de euros, un 28% máis que na pasada edición, para apoiar 200 proxectos de autónomos e emprendedores, que mobilizarán investimentos por valor de 24 millóns de euros e cunha previsión de creación ou mantemento de 700 postos de traballo.
Feijóo destacou que o Galicia Emprende ten como obxectivo favorecer a creación de novas empresas e consolidar proxectos que leven menos de 42 meses funcionando, que é cando máis se necesita. Así, salientou que o importe dos investimentos apoiados oscilará entre os 25.000 e os 500.000 euros, e fixo unha comparativa das dúas convocatorias do Galicia Emprende: este ano achéganse 9M en lugar dos 7M do ano pasado; chegarase a 200 proxectos, mentres que no 2018 foron 159; mobilizaranse 2M mentres que na anterior foron 16 M, e crearanse 700 postos de traballo, 313 máis que na primeira convocatoria.
O presidente da Xunta recordou que a Xunta de Galicia conta cunha serie de ferramentas para as pequenas empresas e para as empresas que acaban de constituírse que teñen unha idade de menos de 3 anos e medio ou que queiran constituír unha empresa nova: a plataforma StartIN Galicia, que ofrece un apoio integral a todos os proxectos que nadas das incubadoras, os préstamos directos da liña de Instrumentos Financeiros Innovadores (IFIs) e os préstamos participativos ou capital risco a través do Fondo Galicia Iniciativas Emprendedoras.
Para concluír, Feijóo puxo como exemplo de éxito algúns dos proxectos de anteriores edicións do Galicia Emprende. Destacou o caso dun taller mecánico situado no polígono Industrial das Gándaras (Lugo), que investiu medio millón de euros mantendo 6 postos de traballo e creando outro; unha escola hípica en Gondomar, cun investimento de 361.000 e a creación de 10 empregos; unha adega de Ribadumia, cunha inversión de 270.000 e creación de 10 postos de traballo; un restaurante de cinco garfos de produto de mar fresco na Marina da cidade da Coruña, cun investimento de 400.000 e 7 empregos; ou un taller mecánico en Pontevedra promovido por dous emprendedores e que tivo un investimentos de 290.000 e creou dous postos de traballo.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
