domingo, 8 de noviembre de 2026
Mañá, chega a quenda de dúas das súas películas máis representativas. Amarelo de rabia (1981), película na que mentres Tahimik mostra a historia da súa familia, está a mostrar ao mesmo tempo a historia de Filipinas, nela non só documenta feitos familiares senón tamén terremotos e furacáns e importantes feitos políticos do seu país. Máis tarde terá lugar a proxección de Turumba (1981), un marabilloso conto con moral que nos advirte dos perigos do capitalismo. Ambas sesións contarán coa presenza de Kidlat Tahimik que acudirá tras as proxeccións para ter encontros co público.
Este xoves 4 de abril, chega desde Chile a segunda proxección da sección competitiva, Nona. Si me mojan, yo los quemo (2018) terceira longametraxe da nova e talentosa cineasta Camila José Donoso, interpretada por Josefina Ramírez, avoa da realizadora. Estreada na pasada edición do IFFR (Festival Internacional de Róterdam), Nona é unha película que bebe das fontes do documental para converterse nunha ficción pouco convencional que transcende todos os xéneros. Nona é o retrato dunha muller chea de arestas e complexidades que foxe dun turbulento pasado para acubillarse nun presente onde suceden misteriosos acontecementos.
Tras a proxección Camila José Donoso estará co público para comentar esta transficción cargada de realismo máxico, que non é só unha contundente declaración feminista e unha homenaxe á figura da súa avoa, senón tamén unha crítica incisiva ao pasado e presente da sociedade chilena.
Nesta 15º edición, que se celebra en Tui ata o vindeiro domingo 7 de abril, o Festival Play-Doc estrea unha nova sección North by Northwest para celebrar a expansión a Asturias, a través de Telecable, e a Euskadi con Euskaltel, da súa plataforma VOD, Play- Doc Tv, coa que desde hai uns anos Play-Doc e R, o operador de cable en Galicia, teñen como obxectivo achegar ao público un cinema á marxe dos circuítos comerciais e darlle un maior alcance e visibilidade.
Con este motivo nace esta sección na que o público poderá gozar dun pequeno adianto de tres importantes películas procedentes do Norte e do Noroeste peninsular. Nesta primeira xornada será a quenda da vasca Muga Deitzen dá aPausoa- Paso ao límite dirixida por Maider Oleaga, coa que o público poderá charlar tras a proxección, e a asturiana In memoriam (La derrota conviene olvidarla) dirixida por Marcos M. Merino, coa montaxe a cargo do galego Álvaro Gago.
Axenda xoves 4 de abril
16.30h - Amarillo de Rabia - Kidlat Tahimik - Retrospectiva
19.30h - Muga Deitzen da Pausoa- Paso al límite - Maider Oleaga - North by Northwest
20.30h - Turumba - Kidlat Tahimik - Retrospectiva
21.30h - In Memoriam (La derrota conviene olvidarla) - Marcos M. Merino - North by Northwest
22.30h - Nona. Si me mojan, yo los quemo - Camila José Donoso - Sección Competitiva
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
