lunes, 7 de julio de 2025
Con respecto á evolución anual das afiliacións, Toca sinalou que continúan crecendo, situándose a niveis de hai 8 anos. Galicia volve a superar a barreira do millón de cotizacións aumentando nun 1,98% (+19.521). É a segunda maior subida nun mes de marzo desde o inicio da crise económica. A Comunidade, ademais, leva cinco anos de incrementos consecutivos, desde abril de 2014. En canto á evolución mensual, Galicia rexistrou 7.094 afiliacións máis que no mes de febreiro. O incremento producido é o maior nun marzo de toda a serie histórica, desde 2005.
A secretaria xeral, así mesmo, indicou que o desemprego baixa nos colectivos prioritarios para a Xunta: os menores de 30 anos, as mulleres e os parados de longa duración. De feito, 4 de cada 5 persoas que saíron do paro no último ano atopábanse nesta última situación.
O paro tamén caeu nas catro provincias e sete grandes cidades galegas e en todos os sectores de actividade liderando o descenso a construción (-21,10%), seguido da industria (-10,51%), da agricultura e a pesca (-8,31%) e dos servizos (-5,19%).
Actividade industrial
Con respecto á actividade industrial, a secretaria xeral de Emprego indicou que desde abril de 2009 este sector rexistrou unha redución do desemprego do 45,52% salientando a estabilidade e solvencia da Comunidade galega. Engadiu, ao respecto, que nos últimos 10 meses o paro neste sector baixou en Galicia fronte á subida do Estado.
En canto á baixada por provincias, Lugo lidera a caída cun descenso do 9,36%, seguida da Coruña (-8,14%), de Pontevedra (-7,85%) e de Ourense (-4,11%).
Evolución mensual
Con respecto á evolución mensual, Toca indicou que a cifra de caída do paro é moi positiva porque nos meses de marzo dos últimos dez anos (2009-2018) o descenso medio foi de 882 persoas. Ademais, o ritmo de baixada do desemprego é superior ao reflectido no Estado, ao igual que a subida rexistrada nos contratos.
A secretaria xeral de Emprego indicou que a evolución positiva do desemprego súmase á da economía galega que leva 4 anos consecutivos crecendo en torno ao 3%. Apuntou que a Xunta está a apostar polos programas de emprego que combinan a formación e a contratación como Galicia Emprega que está en marcha, unha iniciativa dirixida a mulleres, parados de longa duración, a mocidade e as persoas con capacidades diferentes.
Responsabilidade Social Empresarial
Na visita que a secretaria xeral de Emprego realizou á empresa Zenit Televisión, indicou a importancia de que o tecido empresarial galego aposte por modelos de negocio baseados na Responsabilidade Social Empresarial (RSE), na igualdade laboral e na conciliación laboral e persoal.
Toca sinalou que a RSE xera beneficios ás pemes e incrementa a súa competitividade ao apostar por políticas máis eficientes, sustentables e integradoras. A competitividade das empresas crecerá se existe un verdadeiro compromiso coa economía verde e responsable, engadiu.
EuroPCom, a Conferencia Europea de Comunicación Pública, é a maior reunión anual de expertos en comunicación pública de Europa organizada polo Comité Europeo das Rexións en colaboración coa Comisión Europea, o Parlamento Europeo, o Consello, o Banco Europeo de Investimentos, o Comité Económico e Social Europeo e a Organización para a Cooperación e o Desenvolvemento Económicos. O evento ofrece unha plataforma para explorar as últimas tendencias, iniciativas e ideas no ámbito da comunicación pública. O director xeral de Relacións Exteriores e coa Unión Europea, Jesús Gamallo, participou nesta Conferencia organizada polo Comité Europeo das Rexións, e celebrada baixo o lema 'Máis alá das palabras. Unha historia de confianza'.
O Diario Oficial de Galicia publica hoxe a declaración de Ben de Interese Cultural da Rapa das Bestas de Sabucedo por considerar acreditado o seu valor sobranceiro como patrimonio inmaterial do pobo galego, ao tratarse dunha das festas máis antigas de Galicia que conta, como mínimo, con tres séculos de historia. Este recoñecemento supón a aplicación de inmediato do réxime de tutela da Lei de Patrimonio Cultural e, polo tanto, o maior nivel de protección. Esta distinción, que se suma á de Festa de Interese Turístico Internacional acadada en 2007, chega tras o visto e prace a este decreto por parte do Consello da Xunta este pasado luns, 30 de xullo, e logo de completarse o expediente administrativo, no que constan os dous informes preceptivos dos órganos consultivos favorables.
