martes, 24 de marzo de 2026
Na apertura da exposición participaron a directora xerente da Fundación Cidade da Cultura de Galicia, Ana Isabel Vázquez Reboredo; o director xeral de Maiores e Persoas con Discapacidade da Xunta de Galicia, Ildefonso de la Campa Montenegro; a vicepresidenta de BATA, Mónica Santos; así como dous integrantes da asociación que deron lectura a un manifesto.
Desde a Cidade da Cultura queremos ser un espazo aberto á participación activa dos axentes sociais, que a través de proxectos como este enriquecen a nosa oferta cultural e de eventos e nos fan ser unha Cidade da Cultura máis viva, integradora e aberta, sinalou Vázquez Reboredo. A directora xerente do Gaiás agradeceu tamén a BATA que nos achegue así, a través da arte, o día a día do colectivo de persoas con TEA, pois darlle visibilidade a persoas con capacidades diferentes axúdanos a entender mellor o seu modo de ver o mundo.
O director xeral de Maiores e Persoas con Discapacidade remarcou o compromiso permanente e irrenunciable do Goberno galego coa discapacidade, traballando da man das asociacións e colectivos sociais. De la Campa quixo por en valor especialmente o traballo de BATA para mellorar a vida das persoas con TEA: O voso esforzo e dedicación infinita para sumar e superar atrancos e fronteiras demóstranos que as fronteiras están só nas nosas cabezas, remarcou.
Por último, a vicepresidenta de Autismo BATA, Mónica Santos, quixo agradecer o apoio institucional para pór en marcha esta exposición na que as persoas con TEA representan como ven o seu futuro e onde plasman os seus sentimentos e a súa forma de entender a vida: é un regalo poder amosalas en público e que as persoas que a visiten coñezan a súa realidade.
Rachar estereotipos
30 anos imaxinando futuros procura promocionar experiencias culturais positivas que permitan desenvolver a curiosidade e o sentido estético e crítico, ademais de rachar estereotipos e ideas preconcibidas e achegar á sociedade a mensaxe de que, cando as persoas contan cos medios axeitados, todas as metas son posibles
A mostra, que implica ás Consellerías de Cultura e Turismo e de Política Social, enmárcase no programa de actividades organizado pola asociación Autismo BATA con motivo do seu 30 aniversario, que se desenvolverá ao longo de todo o ano e que abrangue ámbitos como a cultura, o social ou o deportivo. A entidade celebra deste xeito os seus 30 anos acompañando a persoas con TEA e as súas familias nun camiño cheo de aprendizaxes e superación.
A Cidade da Cultura enmarca esta colaboración con BATA no obxectivo de promover a cultura como vía de integración social e desenvolvemento persoal, e no seu compromiso de abrir o programa de actividades e os espazos da Gaiás a todos tipo de públicos.
A exposición poderá visitarse de balde na Sala Eisenman da Cidade da Cultura ata o vindeiro mércores 17 de abril. Ademais, con motivo do Día Mundial de Concienciación sobre o Autismo, as emblemáticas Torres Hejduk do complexo iluminaranse en azul durante toda esta semana.
O presidente da Xunta, Alfonso Rueda, advertiu de que as novas medidas para paliar os efectos da guerra de Irán aprobadas polo Goberno central terán 'un impacto directo nas arcas autonómicas' xa que Galicia 'deixará de ingresar máis de 120 millóns de euros' nos tres meses que estas medidas estarán inicialmente en vigor. As medidas con impacto fiscal anunciadas polo Goberno central enfócanse na redución do IVE e dos impostos especiais para os carburantes, electricidade e gas. Ao estar estes tributos cedidos ás Comunidades Autónomas, o impacto derivado da menor recadación repártese entre o Estado e as autonomías, en función da porcentaxe de cesión(no IVE é do 50%, nos impostos especiais do 58%).
O número de emigrantes galegos persoas que naceron en Galicia e residen no exterior volve baixar un ano máis en 2.006 persoas, continuando a tendencia dos últimos exercicios. En paralelo, a poboación galega total que reside no exterior increméntase debido ás novas inscricións de persoas descendentes de galegas e galegos nacidas no estranxeiro, ata acadar os 563.303 (incremento de 15.051 persoas, un 2,75%) a 1 de xaneiro de 2026, segundo os datos publicados hoxe polo Instituto Nacional de Estadística (INE).
