sábado, 28 de marzo de 2026
O director xeral de Relacións Exteriores e coa Unión Europea, Jesús Gamallo, asistiu este xoves en Madrid á reunión do comité de xestión do Programa Operativo de Cooperación Transfronteiriza España-Portugal. Este programa financia proxectos de catro eixes prioritarios que se dirixen ao impulso da innovación, ao fomento da competitividade empresarial, á prevención de riscos e á mellora da xestión dos recursos naturais, á mellora da capacidade institucional e á eficiencia da administración pública.
Galicia segue sendo a rexión más activa xa que participa no 37,5% das candidaturas presentadas: das 285 candidaturas admitidas, en 107 había socios galegos. En total, aprobáronse 97 candidaturas ao longo de toda a fronteira hispano portuguesa, cun investimento total de 112,2 millóns de euros. Os 35 proxectos aprobados que contan con socios galegos representan un investimento de 41,12 millóns de euros, en concreto 27,78 millóns en proxectos de Galicia co Norte de Portugal e 13,34 millóns en proxectos de Galicia con outras rexións da fronteira.
A Xunta de Galicia participa directamente como socio en 17 dos proxectos concedidos, que suman un investimento total de 21,74 millóns de euros. Entre os proxectos con socios galegos, abórdanse cuestións tales como a creación dunha rede de emprendemento baseada nos centros de fabricación dixital, a implantación de solucións tecnolóxicas punteiras que respondan aos desafíos da Industria 4.0 na automoción ou o impulso da actividade no entorno dos portos de Eurorrexión. Tamén se falou de impulsar o aproveitamento sostible do Camiño de Santiago como recurso patrimonial cultural e natural transfronteirizo capaz de xerar actividades turísticas e económicas, e de dar continuidade ao programa de mobilidade Iacobus que xa tivo o apoio da primeira convocatoria do Poctep.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
