sábado, 28 de marzo de 2026
O presidente da Xunta, Alberto Núñez Feijóo, constatou hoxe o balance positivo da automoción galega, cuxa conta de resultados en 2018 afianza as expectativas do sector de cara á unha maior produtividade, innovación e mercado exterior.
Durante a clausura da Asemblea do Clúster de Empresas da Automoción (CEAGA), Feijóo lembrou que este sector, que conforman 130 empresas integradas neste clúster e dá emprego a máis de 22.000 persoas, representa unha cuarta parte das exportacións galegas. E incidiu no alentador que resulta confirmar os bos resultados dun sector estratéxico para Galicia como é a automoción; sobre todo dixo-, porque reafirma as capacidades do sector industrial na Comunidade.
Nesta liña, destacou a importancia de que a planta de PSA en Vigo siga sendo unha das máis produtivas de España, das máis innovadoras do grupo e siga avanzando no coche do futuro que siga crecendo a canteira de empresas que conforman toda a industria auxiliar; e que este sector continúe sendo decisivo no ránking exportador da Comunidade.
Ao longo da súa intervención, o responsable do Executivo autonómico destacou a necesidade de traballar todos xuntos para facer de Galicia un territorio atractivo para investir e incidiu no papel que deben asumir as institucións: ser colaborador activo e leal de emprendemento. Acompañar as necesidades dos sectores como este.
O presidente da Xunta, Alfonso Rueda, anunciou hoxe que a Xunta destinará un total de 270 millóns de euros a paliar os efectos do conflito en Oriente Medio na nosa comunidade. Durante a sesión de control no Pleno do Parlamento de Galicia en resposta ás preguntas dos grupos parlamentarios, o titular do Goberno galego lembrou, ao respecto da situación en Oriente Medio, que o Consello da Xunta xa analizou hai dúas semanas 'os primeiros impactos' e que Galicia foi 'a primeira comunidade autónoma en falar cos clústeres'. Nesta liña, o presidente anunciou que o vindeiro Consello autorizará 'un plan de máis de 150 millóns' para atender aos sectores afectados, que se sumará aos máis de 120 millóns que suporá para Galicia financiar as iniciativas do Goberno central a este respecto.
Para a edición de 2026, chegan desde o outro lado do Atlántico La Cura e El Vacío (ambas estreas en España), nas que o coreógrafo cubano Julio César Iglesias dirixe á prestixiosa Compañía Colombiana de Danza Contemporánea. Tamén a conferencia escénica Arder Épica (Cap. 1) na que o artista brasileiro Reinaldo Ribeiro constrúe unha nova memoria colectiva a partir das cinzas que deixou o incendio do Museo Nacional do Brasil en 2018. Forma parte tamén da programación a instalación inmersiva Hecatombe II: Movementos e rituais para a renovación do mundo, da colombiana de orixe indíxena Martha Hincapié Charry, que rescata saberes ancestrais de líderes nativos das primeiras nacións americanas.
