domingo, 19 de abril de 2026
A conselleira de Medio Ambiente, Territorio e Vivenda, Ángeles Vázquez, destacou esta mañá que as políticas de vivenda será unha das principais apostas do departamento que dirixe, grazas ao orzamento do Instituto Galego da Vivenda e Solo, que xestionará case 40 millóns de euros, cos que manterá o impulso ás políticas de rehabilitación e de acceso á vivenda.
Así o puxo de manifesto durante a reunión do Consello do Observatorio de Vivenda de Galicia, aos que agradeceu a participación e as achegas desde a súa experiencia para avanzar nun obxectivo común: coñecer o mercado da vivenda na Comunidade galega.
A aposta pola rehabilitación concrétase nunha partida de preto de 36 millóns, o que supón un incremento dun 9% máis que no ano anterior; que permitirá o desenvolvemento de actuacións ao abeiro de programas como o Rexurbe, que terá 7,3 millóns; as áreas de rehabilitación integral (ARI), ás que se destinan 6,5 millóns de euros; ou o programa de rehabilitación de vivendas de mestres, con 1,6 millóns.
Outra das apostas son as políticas de vivenda social e acceso á vivenda, ás que por distintos programas se dedicarán 24 millóns de euros, para facilitar unha vivendas ás persoas afectadas por un desafiuzamento e por impagos de alugueiro ou hipoteca (2,6 M); facilitando un Bono de Alugueiro Social ás familias (2,2 M); e se investirán 2 millóns na construción de vivendas para persoas maiores.
Tamén se actuará no parque público de vivendas, dedicando 7,6 M á dotación de novas vivendas de promoción pública e destinando 1,6 millóns ao mantemento do parque público de vivendas en alugueiro e 7,2 ao acceso a vivenda a través de alugueiro; medidas ás que se suman os 800.000 euros a axudas para facilitar o acceso a vivenda a menores de 35 anos en concellos de menos de 5.000 habitantes.
Observatorio de vivenda de Galicia
A conselleira agradeceu aos membros do Observatorio da Vivenda de Galicia o traballo que realizan, xa que permite á Administración e ao sector privado, manexar información moito máis detallada sobre este materia, que facilita unha maior capacidade á hora de tomar decisións e de axeitar as políticas de vivenda ás necesidades dos galegos e galegas.
Defendeu este grupo de traballo como un instrumento eficaz para interpretar as demandas en materia de vivenda que ten a sociedade galega, coñecer a situación do mercado inmobiliario de Galicia, achegando unha visión realista que permite deseñar unhas políticas e medidas máis efectivas para garantir o acceso á vivenda.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
