sábado, 20 de junio de 2026
Con financiamento do programa europeo Horizonte 2020, a Fundación CETMAR e os seus socios en PrimeFish veñen traballando os últimos catro anos da man de responsables políticos e da industria, analizando a cadea de valor dos produtos do mar en máis de dez países e desenvolvendo estudos sobre o comportamento dos consumidores en España, Francia, Italia, Alemaña e Reino Unido.
Ademais de dar conta dos resultados deses análises e estudos, a conferencia final servirá como plataforma de lanzamento do prototipo de software orientado ao mercado especializado de productos do mar, baseado en big data e innovación.
Esta ferramenta servirá de apoio ás empresas na súa toma de decisións sobre cuestións como o lanzamento de novos produtos. Para iso, ofrecerá información adaptada aos usuarios para definir o perfil ideal de consumidor ou determinar canto estarían dispostos a pagar polos seus produtos, así como indicadores sobre competitividade, análises da cadea de valor ou tendencias de prezos.
Ademais da intervención dos expertos das diferentes institucións que traballaron en PrimeFish, a conferencia final inclúe unha mesa redonda coa participación dos directores executivos de empresas como Nueva Pescanova ou Icelandic Ibérica, na que se debaterá sobre os desafíos do sector dos produtos do mar.
A inscrición para participar na conferencia está xa aberta a través da páxina web do proxecto, onde figura toda a información relativa a este evento internacional, no que se falará da competitividade deste sector e os seus retos futuros.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
