miércoles, 24 de abril de 2024
Así o explicou esta mañá na Comisión 4ª do Parlamento o director xeral de Educación, Formación Profesional e Innovación educativa, Manuel Corredoira, quen salientou o valor pedagóxico desta disciplina, que contribúe ao desenvolvemento de técnicas de traballo en equipo e facilita a socialización entre o alumnado, favorecendo as relacións de cooperación e a adquisición de hábitos de convivencia democrática, entre outras vantaxes.
O director xeral lembrou que tanto a UNESCO, como o Parlamento Europeo, o Congreso dos Deputados, o Senado e o Parlamento de Galicia recomendaron a introdución do xadrez na escola, una avance que foi posible ao abeiro da posta en marcha da Lei Orgánica para a Mellora da Calidade Educativa (LOMCE). Neste sentido, explicou que esta lei dálles maior liberdade aos equipos directivos e ás Comunidades Autónomas para ofertar materias de libre configuración de centro ou autonómica, encadres nos que se imparte o xadrez en Galicia, nos cursos 4º e 6º de Primaria, 1º e 2º de ESO e 1º e 2 de Bacharelato.
Manuel Corredoira salientou a utilidade do xadrez para o reforzo das competencias clave, en especial da matemática, pola propia natureza da disciplina. Así, sinalou que o uso do vocabulario específico da materia e a exposición oral dos razoamentos lóxicos contribúen a mellorar a competencia lingüística; ao tempo que o frecuente uso das novas tecnoloxías no xadrez permite reforzar a competencia dixital.
Ademais das competencias sociais e cívicas, o director xeral sinalou como principais achegas da materia o fomento da creatividade, da capacidade de análise, da planificación, ou da resolución de problemas, entre outras habilidades.
A implantación do xadrez no ensino supuxo, así mesmo, o desenvolvemento de actividades de formación do profesorado desde o curso 2014/15, tanto ao abeiro do Plan Anual como a través do Centro Autonómico de Formación e Innovación (CAFI), dos Centros de Formación e Recursos (CFR) ou das accións programadas nos propios centros. Ademais, a Consellería homologou actividades ao respecto impulsadas desde outras entidades.
A día de hoxe o departamento educativo da Xunta de Galicia expediu un total de 300 certificacións de horas de formación do profesorado que acreditan a realización destas actividades.
Escolas Oficiais de Idiomas
Por outra banda, e en resposta a unha pregunta sobre as listaxes de espera nas Escolas Oficiais de Idiomas (EOI), o director xeral explicou que ano a ano se produce unha diminución nas mesmas, ao tempo que se continúa incrementando a ampla oferta das 11 EOI e das 30 seccións que dependen delas.
Neste sentido sinalou que o curso 2018/19 trouxo consigo novidades como a oferta de español como lingua estranxeira na EOI de Ourense, a de cursos de nivel C2 en inglés (en todas as Escolas agás en Ferrol), galego (en Ferrol, Ourense, Pontevedra, Santiago e Vigo) e portugués (Vigo). Ademais, ofértanse cursos de nivel C1 en inglés, alemán, italiano, francés, portugués e galego na maioría das EOI.
Manuel Corredoira salientou, así mesmo, o incremento da matrícula este curso no conxunto das EOI e as súas seccións, que acadan os 25.525 alumnos en cursos ordinarios, un 6,2% máis ca no curso anterior.
Por que o universo dos activos dixitais semella un mundo masculino? Por que a maioría de influencers do mundo cripto que saen á palestra son homes? Está equilibrada a proporción entre homes e mulleres nos consellos de administración das empresas? Estas son algunhas das preguntas ás que se deu resposta este luns na VI Xornada de igualdade de xénero e Dereito Mercantil, actividade dirixida desde a Facultade de Ciencias Xurídicas e do Traballo polas docentes Sara Louredo e Ana Mª Aido e para a que, nesta ocasión, se contou coa participación de dúas profesoras expertas en Dereito Mercantil: Vanessa Jiménez, da Universidad de Salamanca, e Josefina Boquera, da Universidad de Valencia.
Un total de 23 os equipos de 19 colexios e institutos participaron no lanzamento de satélites elaborados por parte de centros educativos galegos no marco da fase autonómica do programa da Axencia Espacial Europea Cansat 2024, que se desenvolveu no aeródromo das Gaivotas, en Cerceda. A xornada desenvolveuse arredor de tres actividades: un obradoiro de foguetes químicos e de auga impartida polo alumnado do Centro Público Integrado O Cruce (Cerceda), unha exhibición de drons a cargo de Aeromedia e o lanzamento dos satélites. O secretario xeral técnico da Consellería de Educación, Ciencia, Universidades e FP, Manuel Vila, acompañou os alumnos nesta xornada.
