sábado, 8 de agosto de 2026
Ademais de afianzar as relacións entre ambas institucións, o devandito acordo serviu para estender a Galicia o impacto dun evento que nesta edición contará coa presenza de institucións, empresas e entidades galegas, que poderán aproveitar a visibilidade dunha cita moi consolidada en Portugal.
Desafíos do Mar 2030 é o eixo temático deste Forum do Mar que terá como escenario o Centro de Congresos de Alfândega, onde se debaterá sobre a dixitalización da economía do mar, a sustentabilidade e o coñecemento dos océanos, a cooperación, o emprego e as competencias profesionais, ou a programación futura dos fondos comunitarios.
O programa previsto inclúe un conxunto de seminarios e talleres temáticos cunha destacada participación de representantes da Fundación CETMAR e nos que se debaterá sobre a cooperación luso-galaica no Espazo Atlántico, as tecnoloxías mariñas, o sector naval e das enerxías mariñas ou a cultura oceánica, entre outros.
Tamén está prevista unha conferencia principal sobre os Desafíos do Mar 2030 para conmemorar o Día Nacional do Mar, que se celebra en Portugal o 16 de novembro, así como un programa de encontros internacionais de negocios, sesións curtas de presentación de proxectos nesta área, exposicións e unha serie de degustacións de produtos do mar.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
