viernes, 26 de abril de 2024
Galicia asume esta representación despois da renuncia de Cataluña. Tamén Andalucía se postulara, se ben finalmente será a nosa comunidade a que teña esta responsabilidade. A conselleira do Medio Rural púxose a disposición do resto de comunidades autónomas españolas diante dos retos e negociacións que se presentan en Europa, especialmente en relación coa Política Agrícola Comunitaria (PAC).
Precisamente, nesta xuntanza avanzouse tamén na definición da postura española nas negociacións para a futura PAC, máis alá do 2020. Neste sentido, a conselleira reiterou a lealdade da Xunta co Ministerio, pero matizou que o documento de traballo presentado polo actual Goberno de España é moi simple, de mínimos, sendo preciso entrar en profundidade para desenvolvelo. E engadiu que nesta tarefa non podemos perder tempo, porque urxe concretar a posición con respecto á necesidade de manter o actual financiamento destas políticas, reforzar a figura do agricultor activo e continuar co enfoque de loita contra o despoboamento, entre outras medidas.
Neste mesmo sentido, Ángeles Vázquez incidiu na importancia de complementar o plan estratéxico nacional con plans por comunidades, para contemplar as peculiaridades de Galicia en asuntos como a dispersión da poboación, as pequenas explotacións ou o sector lácteo. Por todo isto, pediu a máxima celeridade e axilidade ao Ministerio para impulsar estes traballos.
Primeiros compradores
Precisamente en relación co sector leiteiro, a conselleira urxiu tamén ao Ministerio a regular canto antes a figura dos primeiros compradores, que xestionan, destacou, o 17% da produción galega. Advertiu que é precisa unha norma sobre o particular porque existe unha inseguridade xurídica para os gandeiros. Nesta liña lembrou que a Xunta, a través do Consello Galego da Competencia, defende a obriga de constitución dun aval por parte dos primeiros compradores, para protexer así, de maneira máis efectiva, os intereses dos gandeiros.
Reparto de fondos
Nesta Conferencia Sectorial aprobouse tamén o reparto de fondos do Estado para impulsar diferentes medidas relacionadas co fomento da actividade agrogandeira e o desenvolvemento rural. Galicia recibirá nesta distribución preto de 17 millóns de euros, que se destinarán ao programa galego de desenvolvemento rural, así como ao financiamento de medidas relacionadas coa sanidade vexetal, fomento do consumo de froita e leite nas escolas, reconversión de viñedo e promoción dos nosos viños en terceiros países (fóra da UE) ou para axudas de rendemento leiteiro, un concepto no que Galicia continúa sendo a comunidade española que máis fondos recibe.
A Cidade da Cultura reunirá estes días as persoas representantes dunha vintena de linguas minoritarias de Europa. Será durante a asemblea xeral e a conferencia anual da Network to Promote Linguistic Diversity (NPLD), unha organización de ámbito europeo cuxa finalidade é promover a diversidade lingüística na UE. Entre os seus membros figura, desde a súa creación, a Xunta de Galicia, que, a través da Consellería de Cultura actúa como anfitrioa nos eventos de 2024. Na xornada trataranse os asuntos que atinxen á administración da organización e presentaranse varios informes.
A Xunta vai solicitar de xeito inmediato ao Goberno central o traspaso dos medios materiais e persoais para xestionar a súa costa trala sentenza do Tribunal Constitucional que avala a Lei de ordenación e xestión integrada do litoral de Galicia. A conselleira de Medio Ambiente e Cambio Climático, Ángeles Vázquez, respondeu unha pregunta no pleno do Parlamento sobre esta materia na que salientou que o Alto Tribunal certifica que a norma galega é plenamente constitucional. Ademais, subliñou, confirma o que sempre defendeu a comunidade, que non é necesario reformar o Estatuto de Autonomía para que Galicia poida exercer plenamente as súas lexítimas competencias sobre o litoral.
