viernes, 22 de agosto de 2025
Nota de prensa del Gabinete de Comunicación del PSdeG:
A responsable socialista aludiu ao suposto preacordo que o conselleiro da por asinado cos sindicatos, que compara co Máster pantasma da presidenta madrileña. Castro apunta que se ten un preacordo cos sindicatos, que o amose de inmediato, e se non o ten, debe ser cesado polo señor Feijóo por mentir e enganar a tódolos galegos e galegas.
A responsable socialista reclama explicacións inmediatas das negociacións cos traballadores e acúsao de utilizar a estratexia da mentira, aplicando a mesma doutrina que a de Cifuentes. A secretaria de Xustiza do PSdeG, Paloma Castro, criticou a absoluta incompetencia demostrada polo conselleiro Rueda na xestión do conflito laboral da Xustiza.
Paloma Castro reclama a presenza do conselleiro en sede parlamentaria para dar conta da súa xestión desta crise que lle desborda claramente e coa que está condenando a milleiros de galegos e galegas a retrasos de anos na aplicación dun dereito básico como é a xustiza.
A Fundación Artesanía de Galicia organiza por quinto ano consecutivo o encontro Artesanía de Galicia na Ribeira Sacra co obxectivo de divulgar os oficios tradicionais, impulsar a comercialización do produto artesán galego e consolidar a marca Artesanía de Galicia. O evento celebrarase o vindeiro sábado 23 de agosto no Santuario de Nosa Señora de Cadeiras, no concello de Sober, en horario de 11.00 a 21.00 horas. A edición deste ano conta coa participación de 19 obradoiros da marca Artesanía de Galicia especializados en oficios como a olería tradicional, a xoiería, a cerámica, os xoguetes, a bixutería, o manipulado de papel ou os complementos de moda. Os obradoiros da Ribeira Sacra que asisten como expositores son a Alfarería Elías de Gundivós (Sober), Enxógate (Quiroga) e Mimacuir (Castelo, Taboada). Os demais proceden do resto de Galicia.
As dúas obras vencedoras na última convocatoria do Premio Barriga Verde de textos para teatro de monicreques, nas súas modalidades para público infantil e adulto, acaban de ver a luz na colección que a Xunta de Galicia mantén con Baía Edicións para incorporar ao sistema literario galego os textos recoñecidos con este galardón da Consellería de Cultura, Lingua e Xuventude. Manchea, co que Andrea Freire se alzou co devandito premio na categoría de monicreques para a rapazada, e O Faro, polo que Carlos Labraña gañou na modalidade para adultos, están xa dispoñibles tanto na Libraría Institucional da Xunta como en puntos físicos de venda.
