sábado, 7 de noviembre de 2026
Nota de prensa del Gabinete de Comunicación del BNG:
O deputado do BNG por Pontevedra, Luís Bará rachou dúas fotos do Rei Felipe VI no estrado da Cámara galega no transcurso da súa intervención para defender a modificación do código penal e derrogar a lei de Seguridade cidadá co fin de impedir a actual interpretación dos delitos de incitación ao odio.
Mentres rachaba a foto do Rei e colocaba na tribuna a bandeira galega, o deputado asegurou e os representantes do Partido popular non fixeron un máster de democracia pero tampouco un párvulario de democracia. Bará explicou que romper a foto de Felipe VI é unha lección de respecto, pluralismo e o ABC da democracia. Rachar e queimar o retrato, engadiu, tamén é unha lección de democracia pero vostedes non queren entendelo.
Non podo queimar o retrato porque estamos nun recinto pechado pero faríao porque estou convencido que hai que permitir e respectar estes actos de discrepancia como afirma o Tribunal Europeo dos Dereitos Humanos pero vostedes, dixo dirixíndose ás bancadas populares, están fora de Europa, expúlsanse de Europa cada día.
Na lexislación española e no Código penal, queimar un retrato do rei é un delito de odio e deste delito foron acusados dous rapaces cataláns condenados a 15 meses de prisión. Máis tarde, o Tribunal de Dereitos humanos sentenciou que foi un acto de liberdade de expresión, somos europeos, vostedes non e non están á altura dunha democracia consolidada como demostran as labazadas xurídicas que lle están a dar todos os días, recalcou.
A sentenza do Tribunal Europeo de Dereitos Humanos é inequívoca e de obrigado cumprimento para o Estado español: Non foi queimada a bandeira, non foi un ataque persoal contra o Rei de España, foi unha expresión simbólica de rexeitamento e crítica política e o BNG apoia esta sentenza.
A sentenza tamén afirma que o Estado español vulnerou a Convención europea dos dereitos humanos e a queima de fotos entra dentro do ámbito da crítica política ou de disidencia e corresponde ao rexeitamento da monarquía como institución.
O Tribunal de Dereitos humanos nega que a queima poda incitar ao odio e relacionar a queima de bandeiras co discurso do odio sería prexudicar o pluralismo e a tolerancia, fundamentais nunha sociedade democrática, apostilou o nacionalista.
Bará lembrou que distintos colectivos e grupos musicais sufriron condenas por enaltecemento do terrorismo nas letras das cancións con sentencias condenatorias contrarias ao Tribunal europeo dos Dereitos humanos. Neste sentido, criticou o proceso represivo do Estado español que entrou, ao seu xuízo, nunha escalada delirante co procesamento de dirixentes políticos e persecución de persoas que protestan con cortes de estradas. Todo isto provoca un auténtico ridículo internacional do Estado español. Están tentando utilizar o Código penal e a Lei Mordaza para amedrentar, meter medo, e someter. Poñen multa a rapaces en estadios de fútbol por mostrar esta bandeira, unha bandeira de amor a Galiza pola que mataron a Anxel Casal, a Alexandre Bóveda, a Vítor Casas.
Finalmente, o nacionalista pediu ao Partido popular que demostre que é europeo e chegue a un acordo na dirección do Tribunal europeo de Dereitos Humanos para modificar o Código penal e derrogar a Lei mordaza co fin de impedir a actual interpretación do delitos de incitación ao odio. A proposta do BNG foi rexeitada polo grupo maioritario do PP na Cámara galega.
Fotografía: Gabinete de Comunicación del BNG
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
