miércoles, 5 de agosto de 2026
Estas partículas combinan dous trazos esenciais das células naturais: un interior densamente concentrado que lembra ao medio intracelular e unha membrana externa que actúa como barreira protectora e permeable.
O uso de dendrímeros, polímeros sintéticos con estrutura ramificada e altamente controlada, confire a estas microgotas unha resistencia excepcional en condicións fisiolóxicas, moi superior á doutros modelos celulares sintéticos. Conseguimos que estas estruturas manteñan a súa integridade mesmo en ambientes con elevadas concentracións de sal, onde os coacervados convencionais desestabilízanse, explica Eduardo Fernández Megía, quen dirixiu o estudo que acaba de ver a luz no Journal of the American Chemical Society (JACS) co título Dendritic Membranized Coacervate Microdroplets: A Robust Platform for Synthetic-Living Cell Consortia.
Transducións de sinais
Máis aló da súa estabilidade, as novas microgotas mostran un comportamento biomimético destacable: poden encapsular proteínas de forma selectiva, facilitar reaccións encimáticas en fervenza e establecer procesos de comunicación química similares aos que ocorren entre células vivas. De feito, o equipo demostrou que estas estruturas son capaces de interactuar funcionalmente con células naturais mediante mecanismos de transdución de sinais, o que as converte en prometedores candidatos para aplicacións en medicina rexenerativa, terapias dirixidas e a construción de tecidos artificiais.
O resultado é un novo tipo de célula artificial resistente e funcional que imita as naturais, pero construída a partir de compoñentes básicos, destaca Lucas García Abuín, coautor do estudo xunto a Celia Jiménez López e o profesor Fernández Megía. O traballo sobre dendrímeros e nanoestructuras poliméricas para aplicacións biomédicas é unha das liñas que investiga o laboratorio de Fernández Megía no CiQUS da USC, centro que conta co apoio da Unión Europea a través do Programa Galicia FEDER 2021-2027.
A directora xeral de Formación e Cualificación para o Emprego, Zeltia Lado, valorou os últimos datos de paro rexistrado e afiliacións á Seguridade Social, destacando que Galicia alcanza por segundo mes consecutivo o máximo histórico de afiliacións, con 1.135.950 cotizantes. Ao mesmo tempo, a Comunidade rexistra o menor número de persoas desempregadas nun mes de xullo de toda a serie, con 107.322 persoas paradas. No referido ás afiliacións, estas medran tanto na comparativa anual como na mensual. Galicia conta con preto de 22.500 afiliacións máis que hai un ano (+2,02 %) e con case 13.000 cotizantes máis que en xuño (+1,15 %), sendo a 3ª comunidade autónoma na que máis aumentan as afiliacións.
A Estratexia Galicia Dixital 2030 (EGD2030) continuou avanzando durante 2025 coa posta en marcha de novas actuacións para acelerar a transformación dixital da Comunidade. O balance anual, elaborado pola Axencia para a Modernización Tecnolóxica de Galicia (Amtega), recolle avances en todos os eixes estratéxicos da Estratexia e unha actualización das súas metas para o final da década. O investimento mobilizado ao longo do pasado exercicio foi de 390,3 millóns de euros, entre capital público e privado.
