miércoles, 12 de agosto de 2026
Nota de prensa del Foro Económico de Galicia:
Por segundo ano consecutivo a economía galega presenta un crecemento anual do PIB en termos reais do 3,1%. Deste xeito encadenanse nove trimestres consecutivos con incrementos iguais ou superiores ao 3%.
Este crecemento macroeconómico é equilibrado ao presentar, tanto a demanda interna como externa, unha achega positiva. No que atinxe á oferta, o aspecto máis destacado é a evolución positiva do valor engadido bruto xerado polas distintas ramas de actividade.
Asemade, a recuperación económica reflíctese nun bo comportamento dos grandes agregados do mercado de traballo atendendo á evolución da ocupación e a redución do desemprego.
Sen embargo, Galicia amosa dende o ano 2008 un nivel de competitividade inferior á media estatal, situándose en 2016 no 93,4% (porcentaxe inferior ao estimado para o período 2008-2010). Ao tempo, Galicia caracterízase polo seu elevado minifundismo empresarial, que ademais é superior á media europea e as principais CC.AA.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
