lunes, 10 de agosto de 2026
Nota de prensa del Gabinete de Comunicación de En Marea:
A facultade de Ciencias Económicas da Universidade de Santiago de Compostela acolleu o Plenario de En Marea. Unha xornada que tiña como obxectivo desenvolver un traballo común de cara as eleccións municipais de 2019 sendo estas o tema central da xornada pero na que tivo lugar o debate e aprobación dos distintos documentos de En Marea tanto de regulamento, dación de contas dos grupos no Parlamento e do Congreso, devalo demográfico entre outros.
O voceiro de En Marea, Luís Villares, rematou a xornada poñendo en valor a boa sintonía e o ambiente de traballo tanto hoxe como no máis de mes e medio de traballo anterior coa elaboración das propostas e documentos. Na xornada de hoxe as inscritas e inscritos de En Marea aprobaron entre outros documentos relativos a temas fundamentais como devalo demográfico que como salientou Villares para En Marea é unha implosión como país. No noso país non nace xente porque non se dan as condicións para que suceda, emigra, a falla de futuro. É preciso reverter esa situación defendeu Luís Villares.
Na xornada aprobouse así mesmo o documento en materia de infraestruturas que destacou o voceiro como unha cuestión fundamental xa que supón unha oportunidade de cohesión do país que acabe coa desconexión territorial e social imposta polo PP. A relación do espazo de En Marea co grupo das Cortes para mellorar e reforzar os lazos e o xeito de encarar as municipais de 2019 foron outros dos temas aprobados na xornada de hoxe. Neste sentido apostouse por desenvolver fórmulas non invasivas, que cooperen de xeito horizontal para que todo ese esforzo e traballo político teña o seu reflexo nas Deputacións provinciais xa que pese a estar en contra, somos conscientes de que non se pode renunciar a estes orzamentos.
O voceiro de En Marea rematou a xornada asegurando que os tempos das políticas de contrabando do Partido Popular está chegando ao seu fin. Deste plenario saen malas novas para o PP porque de aquí sae unha alternativa de cambio que o conxunto da sociedade galega precisa. Xuntas somos invencibles porque á cidadanía premia a unidade concluíu Luís Villares.
Durante a sesión de tarde do plenario de En Marea tivo lugar a dación de contas dos grupos parlamentarios no Parlamento de Galicia e no Congreso nas que o voceiro de En Marea no Congreso, Miguel Anxo Fernán-Vello e o deputado Francisco Casal do Parlamento, Francisco Casal, destacaron os temas fundamentais nos que teñen centrado a súa labor. Incendios, igualdade, pobreza enerxética, transferencia da AP-9, a loita contra a Lei de depredación ou o accidente ferroviario de Angrois foron algúns dos temas nos que os deputados e deputadas de En Marea traballaron durante os últimos meses presentando multitude de iniciativas na Cámara galega e nas Cortes do Estado.
A vicevoceira de En Marea, Ana Seijas, pola súa banda foi a encargada de expor o documento relativo ás eleccións municipais de 2019. No mesmo destacou a necesidade de que En Marea sexa un espazo que vertebre a suma de esforzos para espallar o cambio que o municipalismo iniciado en 2015. Destacou así mesmo a disposición no espazo político, respectando a autonomía das mareas locais, para favorecer a coordinación, e cooperación dos actores do cambio e ser o lugar de encontro de todas as que traballan a prol de recuperar a ilusión desde o municipal.
En definitiva desenvolver un traballo conxunto baseado no diálogo, na
fraternidade, e na radicalidade democrática dende novas formas de relación política que teñan en conta o respecto e a autonomía das mareas locais e baseada na bidireccionalidade nas relacións coas mesmas.
Un documento que foi aprobado no Plenario de En Marea por 197 votos a favor, ningún en contra e 6 abstencións. No texto apostase por facilitar e dinamizar grupos de traballo e mareas sectoriais para a elaboración dun conxunto de propostas para as municipais do vindeiro ano que recolla as cuestións fundamentais para á cidadanía no ámbito local. Inclúe tamén a creación dun banco de ideas dispoñible para o conxunto das mareas municipalistas, configurando un conxunto o máis amplo posible de propostas que faciliten a todas as mareas locais en base a súa soberanía e dentro dos principios da marea constituínte de Vigo, a elaboración dos diferentes programas políticos.
Fotografía: Gabinete de Comunicación de En Marea
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
