miércoles, 12 de agosto de 2026
Nota de prensa del Concello de Vigo:
Abel Caballero visitou o centro de Vigo do Groupe PSA onde se achegou ao proceso de fabricación da k9, un vehículo que cualificou de "sensacional". Logo do percorrido pola factoría, felicitou ao todos os traballadores aos que lles garantiu apoio municipal.
O alcalde de Vigo cualificou esta mañá a k9 como "un vehículo sensacional", unha vez que tivo a oportunidade de subirse ao volante deste novo modelo durante a visita que realizou esta mañá ao centro de Vigo de Groupe PSA. Augurou o "previsible" éxito da k9 en termos do mercado e avanzou que "queremos que unha das primeiras á venda sexan para o Concello". Acompañado polo director, Frédéric Puech, compareceu ante os medios para felicitar ao conxunto do cadro de persoal da factoría ao que lle garantiu todo o apoio municipal. Asegurou que a produción masiva da k9 vai garantir o futuro industrial en Vigo desde "onde se compite co resto do mundo", blindando o emprego a lo menos por unha década, "unha grande noticia para Vigo, para Galicia e para España", insistiu.
Durante a visita pola factoría, Caballero, "comprobou e entendeu" o gran proceso de adaptación da factoría para implementar a fabricación deste modelo. "É un alarde de tecnoloxía, de organización humana, de ser capaces de adaptar a fabricación doutros vehículos coa produción masiva da k9. "Visualizamos un proxecto de éxito, sensacional, que aglutina as novas e máximas tecnoloxías e combina á perfección vehículo comercial e familiar".
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
