sábado, 7 de noviembre de 2026
Nota de prensa del Gabinete de Comunicación del PSdeG:
O secretario xeral do PSdeG, Gonzalo Caballero, destacou que os socialistas estamos recuperando músculo e forza para ter un partido revitalizado e fortalecido de cara ás eleccións municipais. Así o dixo ante os xornalistas tras manter unha reunión de traballo co secretario de Organización do PSOE, José Luis Ábalos, quen chegou a Galicia no marco das súas visitas ás distintas federacións socialistas coa vista posta nos comicios de 2019.
O líder dos socialistas galegos valorou a posición de cooperación absoluta e a plena sintonía entre a executiva federal e a galega para orientar o proceso de designación dos candidatos, que variará en función do tamaño dos municipios. No caso das cidades de máis de 50.000 habitantes, a dirección do PSdeG comunicará á executiva federal o calendario que seguirá para a elección dos candidatos, mentres que os concellos de menor tamaño terán un proceso diferenciado. Iso si, o que deixou claro Gonzalo Caballero é que a norma é apostar polos alcaldes e alcaldesas para que volvan a concorrer ás eleccións nos seus respectivos municipios.
Tamén José Luis Ábalos falou do calendario propio e singular que haberá de marcar o PSdeG para a designación dos candidatos nas sete cidades galegas e recalcou que existe plena sintonía entre a dirección federal do PSOE e a galega. Máis aínda, resaltou que ve ao equipo encabezado por Gonzalo Caballero con ilusión e ganas de traballar para dar un xiro progresista e útil a Galicia.
O secretario xeral do PSdeG apuntou que o partido está nas condicións adecuadas para encarar as eleccións municipais con forza e coa capacidade de ser alternativa á dereita e aos gobernos que non funcionan.
Fotografía: Gabinete de Comunicación del PSdeG
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
