lunes, 10 de agosto de 2026
Nota de prensa del Gabinete de Comunicación del PPdeG:
Seguindo a axenda que lle marcaron Podemos e Ciudadanos, que conseguiron asociarse para pedir unha revisión do noso sistema á medida de si mesmos, a proposta dos nacionalistas tamén acabaría por beneficiar ao partido laranxa. Como se pode ver, cando unha organización pon os seus intereses partidistas por diante da gobernabilidade das institucións, saen á luz curiosos aliados políticos. E así podemos observar como tanto Podemos, como BNG e Ciudadanos comparten moitos dos seus intereses e do seu tacticismo, precisou. Do mesmo xeito, admitiu que é curioso que sexa Albert Rivera quen marque a axenda política de Ana Pontón.
Pola súa parte, asegurou que desde o PPdeG seguen crendo que a única reforma útil á nosa democracia sería aquela que se encamiñase a facer prevalecer o goberno da lista máis votada. Sen tacticismo, e sen intereses partidistas, xa que que premiaría a moitos partidos de signo totalmente oposto tanto en Galicia coma en España, asegurou.
Nese senso, remarcou que mentres os demais partidos propoñen sistemas para gañar eles mesmos, os populares prefiren un no que gañarían os veciños, tanto en estabilidade institucional, posto que evitaríamos moitos dos esperpentos vistos nos últimos anos na vida municipal, como en respecto á súa vontade expresada nas urnas.
Tellado tamén criticou a petición de Podemos e Ciudadanos para que as provincias e comunidades con menos poboación perdan representación nas Cortes Xerais, considerando inadmisible que haxa partidos que propoñan que a nosa Comunidade perda voz no conxunto do país por pura estratexia electoral. Así, manifestou que malia que non é unha sorpresa que as forzas que se din nova política entendan que as decisións que afectan a todo o país as haxa que tomar só desde Madrid e Barcelona, si o é que algunhas formacións que se queren dicir galegas ou nacionalistas lle fagan seguidismo desta proposta.
Gustaríanos saber se o señor Villares, o señor Antón Sánchez ou a señora Yolanda Díaz van defender, ou votar a favor en Madrid, dunha proposta na que Galicia sairía claramente prexudicada. Se o van facer, que o digan; e se non a van apoiar, que se desmarquen e insten ao seu partido a que a retire, subliñou.
Nota de prensa del Gabinete de Comunicación del BNG:
O BNG considera que Galiza non pode estar ausente no debate da reforma da Lei electoral (LOREG), que ten que ir máis aló dun mero calculo partidista e debe ter por obxectivo corrixir o déficit democrático do sistema actual e o déficit de representación de Galiza.
Non pode formularse unha reforma en base a un cálculo partidista como fan, nun idilio rechamante, Podemos e Ciudadanos, salientou a portavoz nacional, Ana Pontón, nese enfoquen coinciden o novo e o vello bipartidismo. Por contra, a reforma é necesaria porque estamos ante unha lei con graves deficiencias democráticas, obsoleta pasados 40 anos da súa aprobación por un Goberno postfranquista e que da a Galiza menos representación da que lle corresponde en base ao seu censo electoral.
Así, con 2,7 millóns de electores e electoras, Galiza ten 23 representantes no Congreso, mentres que Castela-León, con 2,4 millóns, conta co 31 escanos na Cámara baixa.O BNG volverá dar este debate no Parlamento cunha proposta que inclúe os seguintes cambios.
En primeiro lugar, superar a circunscrición provincial para pasar a unha circunscrición electoral única, reparto de escanos en función do censo electoral o que, a día de hoxe, suporía dous deputados ou deputadas adicionais no Congreso, eliminar as barreiras mínimas para ter representación, substituír o sistema electoral da Lei D`hont polo sistema de Cota Haré de maior proporcionalidade directa, extensión do voto aos 16 anos e lista cremalleira para favorecer a igualdade e a participación das mulleres.
Igualmente, a proposición de lei do Bloque recolle o dereito ao voto dos emigrantes residentes, supresión do correo masivo de papeletas para que podan recollerse só nos colexios electorais, tanto polo enorme aforro de cartos públicos como por hixiene democrática poñendo fin a determinadas prácticas, alegou Pontón. A proposta da formación nacionalista tamén inclúe o obrigatoriedade por lei dos debates electorais porque a cidadanía ten dereito a ver aos candidatos e candidatas debatendo e non escondéndose, salientou Pontón.
En definitiva, apostamos porque desde Galiza teñamos unha proposta de reforma electoral que corrixa o déficit de representación do actual sistema, que avance en termos de democracia e de proporcionalidade directa, onde se supere o modelo provincial, que incorpore o voto aos 16 anos, listas en cremalleira para facilitar a igualdade, que permita eliminar gasto superfluo como o que implica o correo masivo, facilitar o debate e a participación directa e democratizar os medios públicos como garantía de que a cidadanía ten acceso a toda a información, sintetizou Pontón.
Maior representatividade das forzas máis votadas ou favorecer o pluralismo político facendo que os parlamentos se parezan o máis posible ao que vota a cidadanía? Un vello dilema que, a xuízo de Pontón, ten que dirimirse a favor dunha maior pluralidade de voces, porque é un valor, e non ten sentido que os sistemas electorais pretendan excluír a unha parte dos e das electoras.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
