jueves, 13 de agosto de 2026
Nota de prensa del Gabinete de Comunicación del PSdeG:
O secretario xeral do PSdeG, Gonzalo Caballero, defendeu a necesidade de aproveitar o crecemento da economía para reactivar e dinamizar a comunidade e que a saída da crise chegue a todos os galegos; unha materia que Feijóo ten suspensa porque só se adica a axustar contas no canto de deseñar unha política económica ao servizo do país.
No transcurso dun almorzo con xornalistas, o líder dos socialistas galegos puxo o foco en que é o momento de que Feijóo rectifique o fracaso da súa política económica e comence a traballar para sacar adiante outra máis efectiva.Está centrado na cuestión facendística, coa consolidación fiscal e o axuste de contas como único leit motiv, sinalou, e criticou unha política de emprego sen rumbo que deixa tras de si emprego precario e baixos niveles salariais e que deriva en que o mellor escenario para moitos galegos sexa chegar a ser mileurista.
Fronte a iso, Gonzalo Caballero mostrouse partidario de fomentar a actividade industrial, de apostar polo I+D+i e de impulsar a Galicia interior, co obxectivo en mente de mellorar a calidade de vida dos galegos. Convencido de que cómpre que o crecemento sexa perceptible e real para as familias galegas, avanzou unha liña de traballo para impulsar ese cambio na política económica da Xunta. Así é que anunciou o cumprimento dun dos compromisos cos que gañou as primarias do PSdeG: a creación dun think tank do que sairán as mellores ideas e se poñerán ao servizo do país.
Presentarase, como dixo, en breves datas, e nel terá especial protagonismo o eixo económico. O PSdeG vai liderar os plantexamentos para a Galicia do futuro, proclamou Gonzalo Caballero.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
