jueves, 13 de agosto de 2026
Nota de prensa del Gabinete de Comunicación del PPdeG:
O Parlamento de Galicia aprobou por unanimidade, logo dunha emenda presentada polo Grupo Popular, unha proposición non de lei a través da que se reitera ao Goberno central que faga as modificacións lexislativas necesarias para eliminar os privilexios fiscais dos que goza a empresa AUDASA respecto da autoestrada AP-9, suprimindo a bonificación do 95 por cento do IBI e apoiando aos concellos polos que transcorre esta vía nas accións que podan levar a cabo para reclamar á empresa concesionaria o pago íntegro deste imposto.
O portavoz de Infraestruturas do Grupo Popular, Martín Fernández Prado, lembrou que o Pleno do Parlamento do pasado 19 de decembro xa aprobou por unanimidade unha moción a través da que se demanda ao Goberno central que faga as modificacións lexislativas necesarias para eliminar os privilexios fiscais dos que goza a concesionaria da autoestrada AP-9, suprimindo a bonificación do 95 por cento no IBI.
Deste xeito, Fernández Prado incidiu que o acordo acadado hoxe reitera a solicitude para que se elimine a bonificación no IBI que ten AUDASA e que os concellos poidan ingresar a totalidade deste imposto sen deducións.
Na súa intervención, o portavoz popular manifestou que os concellos teñen autonomía municipal para reclamar esta exención do IBI á empresa concesionaria, pero tamén contan co apoio dos servizos xurídicos das deputacións e de organismos como a FEMP ou a FEGAMP.
Nota de prensa del Gabinete de Comunicación de En Marea:
O Parlamento de Galicia vén de aprobar por unanimidade iniciativa de En Marea de dar apoio aos municipios polos que atravesa a AP9 naquelas accións que consideren oportunas para reclamar o cobro íntegro do Imposto de Bens Inmobles, pois como recordou Cal na súa intervención este beneficio tributario do que desfruta AUDASA é, en definitiva, un copagamento que asumen inxustamente as veciñas dos Concellos polos que atravesa a autoestrada.
Logo dunha tranasación co PpdeG, a Comisión de Infraestruturas parlamentaria tamén lle deu luz verde á petición ao Ministerio de Fomento a que leve a cabo as modificacións lexislativas oportunas que permitan poñer fin a máis de 40 anos de exención do IBI a Audasa, en virtude dunha concesión administrativa franquista. O deputado Marcos Cal trasladou a proposta defendida polos concellos, que consideran unha inxustiza que continúe aplicándose o nivel máximo de redución permitido pola lexislación nunha construción que está máis que amortizada e xera beneficios millonarios cada ano.
Entendemos que a Xunta de Galicia debe poñer os seus recursos ao servizo dos galegos e as galegas para tratar de reverter esta situación para que unha excepción tributaria pensada para beneficiar ao Estado no seu momento non sexa aproveitada pola concesionaria para obter maiores beneficios prexudicando á cidadanía, engadiu o parlamentario de En Marea, que puxo a AP-9 como exemplo da privatización dos beneficios e socialización das perdas practicada polo Partido Popular, neste caso, en beneficio de AUDASA.
Dende En Marea aseguran que seguirán trasladando ás institucións e ao goberno central a petición de transferencia da AP9 á Xunta de Galicia, e a súa recuperación para o público como servizo gratuito.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
