jueves, 13 de agosto de 2026
Nota de prensa del Gabinete de Comunicación del PSdeG:
O responsable socialista advertiu que, de acordo cos datos da EPA coñecidos, a ocupación medra escasamente a metade do conxunto do Estado. Neste contexto, considera excesivamente optimista que o conselleiro teña previsto crear 17.500 empregos no próximo ano, cando en 2017 só puideron crear 14.500 e cando din que a situación de Cataluña vai provocar un crecemento menor.
Losada advertiu que en Galicia rexistramos unha característica peculiar, somos o único goberno autonómico na que con 14.500 ocupados mais rexistra 25.000 parados menos, e reclamou unha hipótese de traballo que explique este fenómeno e clarificar se realmente a xente se desanima, marcha ou o que sexa.
Criticou que neste contexto a Consellería teña conxelados os fondos para emprego, e os datos de execución orzamentaria coñecidos a terceiro trimestre do ano revelan que tan só gastaron o 19,3 por cento as partidas consignadas a fomento da empregabilidade. Advertiu que a Xunta deixou sen investir 263 millóns de euros do programa de Promoción do emprego, no que só executaron o 25,1 por cento.
Engadiu que o crecemento rexistrado supón o incremento do emprego precario e polo tanto dos traballadores pobres, das familias con dificultades para chegar a fin de mes, e aínda hai 61.700 familias con tódolos seus membros en paro, o que evidencia que o emprego non é unha prioridade para este goberno.
O responsable socialista criticou que a Consellería de Economía, Emprego e Industria rexistre crecemento cero ao medrar un 3,2 por cento, o mesmo que aumenta o IPC, e que ademais sexa a terceira que menos medra de todo o goberno. Criticou as baixas taxas de execución das partidas previstas, que resulta extremadamente baixo para o terceiro trimestre.
De acordo con estes datos, a promoción de emprego e institucións do mercado de traballo só executaron o 25,1 por cento do previsto, con partidas específicas, como a de fomento da empregabilidade, que apenas chega ao 19,3 por cento. No caso de industria, enerxía e minaría tan só executaron o 25,8 por cento, en desenvolvemento empresarial o 13,4 por cento, e o 12,4 por cento en comercio.
Finalmente, sinalou a alta dificultade de acceso a medidas como o tique eléctrico social, que ademais afecta a tan só 3.232 fogares, apenas o 10 por cento dos fogares sen ingresos.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
