miércoles, 24 de diciembre de 2025
Nota de prensa del Gabinete de Comunicación del Concello de Santiago de Compostela:
Ao longo do mes de novembro, Cineuropa'31 ofrécenos a posibilidade de redescubrir clásicos como O Acorazado Potemkin (1925), de Sergei M. Eisenstein; La Chinoise (1967), de Jean Luc Godard; La Batalla de Chile (1975-79), de Patricio Guzmán, ou Le fond de lair est rouge (1977), de Chris Marker, pero tamén garda lugar para outro tipo de aproximacións a estes momentos históricos, como a que ofrecen as pezas Nicholas and Alexandra (1971), de Franklin J. Schaffner, ou Marie Antoinette (2006), de Sofia Coppola.
O obxectivo é achegarse ao proceso revolucionario dende perspectivas diversas, ao tempo que reivindicar a dimensión colectiva no cinema, a súa práctica en sociedade, como pracer e como feito subversivo nun momento no que as fórmulas e tendencias de ocio incitan, cada vez máis, ao seu consumo individualizado e acrítico.
A idea do cinema como revolución convértese tamén en protagonista do cartaz do Cineuropa 2017 e esténdese a outras seccións da programación que inclúen, entre outras fitas destacadas, a estrea estatal de Napalm (2017) , o último traballo do xornalista e realizador Claude Lanzmann, no que reconstrúe a súa traxectoria como activista en Corea do Norte durante Guerra Fría, ou A fábrica da nada (2017), o musical revelación do ano en Cannes polo que o portugués Pedro Pinho recibiu o premio FIPRESCI na Quincena dos Realizadores.
O luns, día 30 de outubro, ás 11:30 horas, a Casa do Concello de Santiago de Compostela acollerá a presentación oficial da 31ª edición do festival nun acto no que participarán o alcalde de Santiago, Martiño Noriega; a concelleira de Acción Cultural,Branca Novoneyra; a vicepresidenta da Deputación da Coruña, Goretti Sanmartín, e o director do festival, José Luis Losa.
Entre as novidades deste ano, figura a convocatoria para seleccionar un Xurado Novo que comporán mozas e mozos de entre 18 e 25 anos. Alén do requisito de idade, esíxese dispoñibilidade para ver a selección de filmes que se someten a avaliación nas sesións de Cineuropa'31. O convite a participar neste xurado non se limita ao estudantado universitario, senón que procura achegarse a toda a mocidade interesada no cinema. Para se inscribir no proceso de selección do Xurado Novo, aberta até o 30 de outubro, só é preciso encher un formulario online xa dispoñible na web e redes do festival. A composición do mesmo farase pública o día 31 deste mes.
A conselleira do Medio Rural, acompañada polo director xeral da PAC e do Control da Cadea Alimentaria, Juan José Cerviño, presidiu este mediodía a constitución do Observatorio do sector lácteo de Galicia, órgano colexiado de seguimento, asesoramento, consulta e análise deste eido produtivo. Esta reunión ten lugar trala entrada en vigor do decreto que actualizou a regulación deste órgano e que, entre outros obxectivos, persegue facer un seguimento continuado do sector e mellorar o seu funcionamento. O Observatorio vén funcionando dende a súa creación no ano 2007
En concreto, o programa do Calendario do Libro e da Lectura inaugurará as súas 35 efemérides para o longo de todo o ano o 11 de xaneiro, co Día do usuario/a da Biblioteca e terá como unha das súas datas significativas desde mes, o Día da Ilustración, que se celebra o 30 e está dedicado ao humorista gráfico Siro López. Complétanse as datas significativas coa celebración, o 1 de abril, do Día das artes galegas, que se centra neste 2026 nun dos nosos fotógrafos máis vangardistas e internacionais, o ourensán José Suárez. En todo caso, este festexo estenderase todo o ano cunha ampla oferta de accións, do mesmo xeito que sucederá co Día das letras galegas (17 de maio) que nas bibliotecas xirará ao redor da escritora Begoña Caamaño.
