martes, 22 de julio de 2025
Nota de prensa del Gabinete de Comunicación del Concello de Santiago de Compostela:
A xornada comeza o mércores 18 de outubro ás 10:15 horas na Fundación SGAE, onde se representará a función escolar Güe-Güe, da compañía galega Larei Lará. Trátase dunha historia de actor e marioneta que xira ao redor da lúa e da noite.
Ás 12:00 horas, o CSC de Santa Marta acolle dous espectáculos: O día em que a morte sambou, dos brasileiros Valeria & Habib, e A señora Rosa e a Morte, de Carmen Domech. As dúas montaxes achegan con teatro de sombras e monicreques aos rapaces cara á dualidade entre a vida e a morte. No mesmo centro, ás 18:30 horas, realizarase un segundo pase de O día em que a morte sambou.
Ás 17:30 horas, na praza Roxa, a compañía arxentina El Telón ofrece a obra Historias con guante, un espectáculo de bonecos de luva que xira sobre dous personaxes, María e Juancito. A moza descobre algo estraño mentres fai a compra e precisa contarllo ao seu noivo. A montaxe, en caso de chuvia, ficará suspendida.
Unha hora máis tarde, ás 18:30 horas, o Teatro Principal acolle o espectáculo Viento, dos tamén arxentinos El Colectivo. Trátase dunha montaxe de luva e máscaras sobre dous personaxes nostálxicos que se descobren nunha estación de tren e fican namorados nun mundo sen cabeza. Tenrura e humor nun universo absurdo
Venda de entradas
As entradas para as funcións do Teatro Principal, Fundación SGAE e CSC de Santa Marta custan 5 euros por persoa, podendo adquirir catro billetes para un mesmo espectáculo por 15 euros. As entradas para as montaxes do Teatro Principal véndense de forma anticipada de martes a sábado en horario de 18:00 a 21:00 horas. Os días de función pódense adquirir dende unha hora antes do comezo do espectáculo. Na Fundación SGAE e no CSC de Santa Marta, as entradas véndense tamén dende unha hora antes do comezo do espectáculo.
O 112 Galicia rexistra os seus picos de emerxencia durante as tardes e noites de verán. Os meses estivais traen consigo un cambio nos hábitos da poboación galega: días máis longos, noites máis activas e un aumento significativo das incidencias xestionadas polo 112. Segundo os datos, as franxas horarias con maior demanda son as 15:00 e as 20:00 horas, coincidindo cun estilo de vida máis intenso e prolongado durante o verán. En 2023, o servizo rexistrou medias de 1.300 intervencións entre as 15:00 e as 16:00 horas, e case 1.500 (1.484) entre as 19:00 e as 20:00 horas durante xuño, xullo e agosto. Aínda que en 2024 houbo un descenso global de incidencias (233.289 anuais), estas franxas mantiveron cifras elevadas: máis de 1.000 chamadas á tarde e 1.200 á noite no mesmo período.
O Goberno galego incrementará o orzamento destinado á formación do persoal dos servizos de prevención de incendios forestais ata os 1,8 millóns de euros no bienio 2025-2026, o que supón un 19% máis que no período anterior. Esta medida enmárcase no Plan de Prevención e Defensa contra os Incendios Forestais de Galicia (Pladiga), cuxo obxectivo é minimizar o impacto ecolóxico, económico e social dos lumes, optimizando os recursos dispoñibles. O compromiso formativo da Consellería do Medio Rural xa se reflectiu en 2024, cando se impartiron 473 cursos con 11.447 participantes e máis de 108.000 horas de adestramento.
