lunes, 10 de agosto de 2026
Nota de prensa del Gabinete de Comunicación del PPdeG:
O número dous dos populares galegos quixo lembrar todas as medidas que se están a poñer en marcha para captar investimentos e e empresas. Así, destacou que se aprobará no Parlamento Galego unha Lei de Fomento da Implantación de Iniciativas Empresarias que aposta pola industrialización, pola atracción de novas empresas no noso rural e polo desenvolvemento dos nosos polígonos e da que agarda que o Partido Socialista se posicione a favor xa que foron amplamente incluídas as súas achegas.
En comparación coa situación de Cataluña, Tellado apuntou que aquí temos a sorte de ter un Goberno consolidado, que non está secuestrado polos delirios de ningunha minoría radical; que non vai embarcarse en ningunha aventura independentista que nos reste seguridade xurídica e que desde a Xunta non se vai fomentar que as empresas instaladas en Galicia marchen do noso territorio.
Saudou o feito de que en Galicia se acabe de crear a figura dos Concellos Doing Business para incentivar a rebaixa de ata o 95% dos impostos municipais para as novas empresas; ou as medidas de apoio aos autónomos aprobadas no Consello da Xunta do pasado mércores, destinadas a duplicar as axudas á conciliación daqueles que queiran ser pais.
Sobre este tema, concluíu que fronte a aqueles que din non a todo, que queren rachar con todo e acabar coas nosas institucións, en Galicia volvemos dicir si ao crecemento, ao emprego, á actividade económica, á estabilidade institucional e ao cumprimento da Lei.
ACTOS VIOLENTOS EN VIGO
O secretario xeral comezou a súa intervención expresando a nosa máis rotunda condena aos actos violentos contra a sede do Partido Popular de Vigo, reivindicados hoxe mesmo nas redes sociais polo colectivo nacionalista BRIGA. Así, expresou que desde o Partido Popular de Galicia rexeitamos todo acto de violencia contra políticos e cidadáns só por pensar diferente e engadiu que igual que temos condenado en numerosas ocasións actos deste tipo contra os nosos rivais, gustaríanos que eles tamén se pronunciasen en casos coma este.
Deste xeito, Tellado pediulle expresamente a Ana Pontón e a Luís Villares que se manifesten acerca desta cuestión, xa que no último Debate do Estado da Autonomía os seus grupos votaron en contra dunha Proposta de Resolución dos populares na que se condenaban os actos violentos contra os rivais políticos
Unha vez máis, vemos que o nacionalismo galego volve copiar todo o peor do independentismo catalán, incluída a intimidación daqueles que só queremos defender a Lei e o noso marco constitucional, resumiu.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
