lunes, 10 de agosto de 2026
Nota de prensa del Gabinete de Comunicación del PPdeG:
O secretario xeral dos populares galegos, Miguel Tellado, avanzou que, o venres 21 de xullo, o PPdeG celebrará o Día de Galicia realizando unha ofrenda floral na localidade de Vilalba ante o busto do fundador do partido, Manuel Fraga Iribarne, situado na súa vila natal. Neste acto Tellado tamén estará acompañado polo presidente de Nuevas Generaciones, Diego Gago, a presidenta provincial, Elena Candia, e o portavoz parlamentario do PPdeG, Pedro Puy.
Tellado lembrou que os populares levan anos dispostos a celebrar o Día de Galicia con actos que van máis alá do plano das administracións nas que teñen presenza. O que queremos é honrar a figuras que entendemos que foron clave na construción da nosa terra tal e como hoxe a coñecemos, persoas que teñen contribuído a facer de Galicia o que hoxe somos como país, asegurou.
Nese senso, o número dous do PPdeG asegurou que nos tempos que vivimos, de ensoñacións independentistas e nacionalismos que queren copiar aos populismos, resulta máis necesario ca nunca reivindicar un galeguismo aberto, cordial, centrado e responsable. Así, salientou a importancia de defender un galeguismo que en vez de encerrarse en si mesmo sexa capaz de mirar ao exterior, que non busque a confrontación, senón a cooperación cos territorios; e que procure construír unha terra con futuro e con oportunidades para todos os seus habitantes.
Con ese espírito traballou Manuel Fraga e con ese espírito traballamos todos os que agora mesmo formamos parte deste partido. E así o percibe unha gran maioría de galegos e galegas, que nos dan cita tras cita electoral unha confianza maioritaria ao proxectos que tivo e ten o PPdeG para a nosa terra, manifestou Tellado. De igual modo, sinalou que os populares consideran que moitos máis galegos poden sentirse identificados coa figura do presidente Fraga e co legado que nos deixou do que se sentirán coas persoas ás que homenaxearán outros partidos.
Sen ir máis lonxe, Tellado apuntou que Beiras e os seus compañeiros de Anova traerán aos seus amigos da CUP e de Bildu para intentar copiar a algo tan pouco relacionado cos intereses dos galegos como o secesionismo vasco e catalán. Esta semana volvemos ver a un Beiras que pasou de apoiar a Villares a conspirar contra el, engadiu.
Neste sentido, o secretario xeral precisou que haberá moita xente que nalgún momento apoiou ás Mareas de Podemos que non debe estar conforme con que no seu partido se dividan entre os que o seu único interese é aventurarse en proxectos separatistas e os que o seu único interese é converterse en tresmileuristas, despois de intentar ter chófer e secretaria en vez de traballar por Galicia e polos galegos.
Por iso, unha vez máis, ver a situación na que se encontra a oposición e as verdadeiras posicións que defenden os que se din nacionalistas anímanos a seguir esforzándonos de verdade en parecernos á Galicia real, traballar por ela e seguir honrando aos que traballaron por ela antes ca nós, afirmou Tellado. Deste xeito, concluíu admitindo que os populares seguirán traballando por unha Comunidade na que o presuposto medra en 230 millóns porque hai boa xestión, na que o paro baixou un 10% no último ano e tamén que medra no plano económico cun PIB que crece en torno ao 3%.
Nota de prensa del Gabinete de Comunicación de En Marea:
En Marea vai levar a cabo o seu acto do Día da Patria en Santiago, na Finca de Vistalegre. Desde a formación entenden este día como unha xornada de celebración, plural e aberta.
O acto político está programado para as 12.30 baixo o lema A Galicia que a xente queremos e ten unha dinámica participativa. Dita dinámica consiste en pendurar dunha árbore frases e ideas sobre o país que imaxinamos. Falarán representantes de diversos movementos sociais (animalismo, LGBTI, ensino, sanidade, emigración
). A idea de que as persoas teñan todo o protagonismo correspóndese co sublema da convocatoria, A patria das comúns.
Está programada unha sesión vermú e tamén xantar con pulpeira. Por outra banda, as nenas e nenos poden gozar do espectáculo infantil con bodypainting, xogos populares, paiasos, malabares, auga, etc.
Todos os actos son abertos e as persoas asistentes poderán ir a talleres de poesía lírica e combativa, a charlas sobre valores naturais e sociourbanísticos ou a unha jam session cantareira.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
