jueves, 13 de agosto de 2026
Nota de prensa del Gabinete de Comunicación del PSdeG:
O portavoz do Grupo Socialista, Xoaquín Fernández Leiceaga, considera lamentable o último intento desesperado de Feijóo por xustificar o veto á transferencia da AP-9. O socialista desbota o argumento do suposto custe para Galicia dunha transferencia que foi vetada no Congreso polo goberno do PP precisamente co mesmo argumento do suposto custe para o Estado.
Sinala que o novo xiro argumental do presidente da Xunta demostra que é cómplice, que foi cómplice dende o principio, xa que logo de votar a favor da transferencia, agora argumenta en contra, cando xa o Ministerio ten amosado a súa oposición.
O responsable socialista reclámalle ao presidente da Xunta que realice menos esforzos dirixidos a enganar aos galegos e galegas e máis para convencer ao goberno de que desbloquee o trámite dunha Lei aprobada por unanimidade no Parlamento de Galicia e vetada na Mesa do Congreso.
Acusa a Feijóo de artellar novos argumentos cada día para tratar de agochar que en realidade carece de peso político para conseguir a transferencia dunha infraestrutura vital para Galicia. Pregunta por qué se non onte estabamos todos de acordo en aprobar esta Lei -por dúas veces- e hoxe resulta que é inoportuna.
Feijóo engadiu- fúrtalle a Galicia a posibilidade de recabar a competencia sobre a AP-9, o que suporía o primeiro paso para conseguir unha rebaixa significativa das peaxes. Explicou que esta vía constitúe a rúa maior de Galicia, unindo 6 áreas urbanas e o 70 por cento da poboación da Comunidade Autónoma.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
