jueves, 13 de agosto de 2026
Nota de prensa del Gabinete de Comunicación de la Xunta de Galicia:
A portavoz nacional, Ana Pontón, optou por desprazarse ata a sede de ENCE en Pontevedra para responderlle á dirección da pasteira sobre as bondades do eucalipto para a loita contra os lumes, e demandarlle ao presidente da Xunta que a política forestal do país a determine Galiza e non esta multinacional.
A política forestal non a pode decidir ENCE desde o seu consello de administración comprando vontades con ex altos cargos do PP, porque o país precisa un cambio forestal, e desde o BNG tendemos a man para que ese cambio se produza, alegou a dirixente nacionalista, o grave é que semella que a única man que quere coller Feijóo é a de ENCE, non sei se porque aspira tamén el a acabar sentado nese consello de administración.
Pontón quixo contestar in situ ás declaracións tan pouco amistosas da pasteira contra a portavoz nacionalista e tamén á campaña de manipulación en relación ao impacto do eucalipto no medio ambiente e no problema dos incendios. Converter Galiza nun gran eucaliptal é converter o noso monte nun polvorín, reafirmou, ao tempo que manifestaba o seu pasmo pola tese medioambiental difundida pola multinacional nun comunicado de prensa.
A súa tese é que os eucaliptos son cortalumes, o que ten a mesma credibilidade que escoitar a Bárcenas dicir que os sobres en B son unha maneira de loitar contra a corrupción, ironizou, será unha teoría desenvolvida por algúns dos grandes expertos medio ambientais que sentan no consello de administración como a ex ministra do PP Isabel Tocino, ou o ex conselleiro de PP Carlos del Álamo, os únicos que ven no eucalipto unha antídoto contra os lumes.
Neste sentido, o Bloque recomenda á cúpula da pasteira algún dos informes nos que se recolle a eucaliptización como un problema para o medio ambiente e causa dos incrementos dos incendios, informes oficiais do Goberno central das etapas do PP, indicou Pontón tras criticar a práctica das portas xiratorias, seguro que veremos novas incorporacións do PP que hoxe sentados no Consello da Xunta e no Consello de Ministros. Igualmente, denunciou a prórroga de Rajoy á multinacional para que siga contaminando a Ría de Pontevedra.
O BNG propón un cambio radical da política forestal e de xestión do monte porque quen marca as directrices é ENCE interesada en converter Galiza nun gran eucaliptal. Ese non é o modelo que lle interesa ao país porque perdemos oportunidades, capacidade de crear riqueza e emprego e poñemos en risco o territorio, salientou Pontón.
Por moito que lle moleste a dirección da pasteira, desde o Bloque imos seguir dicindo as verdades, do que significa unha política forestal ao servizo dunha multinacional que contamina a ría de Pontevedra e hipoteca o monte, indicou, ao tempo que reiteraba a oferta de man tendida para sacar adiante un gran acordo de país que deixe atrás o modelo do monocultivo do eucalipto e abra nova etapa para un aproveitamento integral do monte, favorecer a biodiversidade e combater os lumes, argumentou.
Pontón tamén reclamou a Feijóo que deixe de tirar balóns fora, porque a Xunta debe garantir o cumprimento da lei e non buscar culpables cando se trata de executar a normativa das franxas de seguridade contra os incendios.
Fotografía: Gabinete de Comunicación de la Xunta de Galicia
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
