jueves, 13 de agosto de 2026
Nota de prensa del Gabinete de Comunicación del BNG:
O BNG mantivo un encontro cos responsables de CIG banca para analizar a situación creada tras a liquidación do Banco Pastor e concordaron na proposta de manter a marca da entidade en Galiza e en dar prioridade tanto ao mantemento do emprego como en buscar unha solución para as persoas estafadas.
Neste sentido, a portavoz parlamentaria de Economía, Noa Presas, sintetizou en catro as propostas da formación nacionalista para deseñar unha estratexia galega e evitar que Galiza quede como mera espectadora.
En primeiro lugar, o Bloque solicita unha investigación de todo o proceso de venda ao prezo dun café do Banco Popular que implica a desaparición do Pastor, así como a inclusión desta operación de liquidación dos restos do sistema financeiro galego como obxecto de investigación da comisión parlamentaria das caixas de aforro.
En segundo lugar, buscar as fórmulas para a devolución dos aforros a todas as persoas afectadas por esta nova estafa bancaria, tendo en conta ademais que unha parte moi importante das accións tóxicas foron adquiridas polos traballadoras e traballadores coaccionados pola propia dirección da entidade.
Como terceira medida, Presas propuxo unha estratexia en defensa do emprego, incluídos tamén os postos de traballo nas empresas auxiliares, por iso é importante manter marca Pastor. E, por último, a deputada nacionalista demandou un cambio de temón na defensa dos usuarios e usuarias da banca lexislando e introducindo todos os cambios normativos necesarios para evitar que sexan presa de estafas bancarias ou da colocación de produtos tóxicos e, ao mesmo tempo, para evitar a súa exclusión financeira.
Presas cualificou de incomprensible a actitude de pasividade da Xunta ante este novo episodio da estratexia de centralización e concentración bancaria, deseñada desde Madrid coa conivencia de PP e PSOE, de nefastas consecuencias para Galiza, dixo, tras denunciar que houbo información privilexiada.
É evidente que se posibilitou tráfico de información en todo este proceso, salientou, ao tempo que sinalaba que, de novo, volveron fallar todos os mecanismos de control tanto por parte dos supervisores, -Banco de España e CNVM-, como por parte do Ministerio de Economía. Teñen que dar moitas explicacións, salientou.
Na reunión o responsable de CIG banca Clodomiro Montero resaltou as prioridades para a central sindical, que pasan pola defensa do emprego e por dar unha solución á clientela estafada que é a que nos da de comer, dixo, tras un encontro no que tamén participou a deputada Montse Prado e responsables do cadro de persoal do Banco Pastor.
Nota de prensa del Gabinete de Comunicación del PSdeG:
O portavoz do Grupo Socialista, Xoaquín Fernández Leiceaga, reclamou a implicación da Xunta de Galicia para amortiguar os efectos da adquisición do Banco Popular por parte do Santander. Así o dixo logo dunha xuntanza cos responsables do sindicato CC.OO. nas dúas entidades financeiras, cos que se comprometeu a presentar iniciativas parlamentarias sobre os efectos do proceso en Galicia.
O responsable socialista anunciou unha serie de propostas para acadar a resposta do goberno galego a esta situación. Advertiu sobre o impacto da operación nos empregos directos e indirectos, así como na exclusión financeira dos núcleos de poboación do interior de Galicia que están en risco de quedar sen ningunha entidade financeira.
Os socialistas galegos reclaman unha resposta clara por parte do goberno galego dirixida tanto a explicar a situación como a presentar as súas actuacións de cara ao futuro dun proceso no que Galicia resulta especialmente afectada. Lembrou que o Banco Popular contaba cunha importante carteira de clientes galegos procedentes da súa anterior adquisición do Banco Pastor.
Fernández Leiceaga lembrou ademais a comprensible resposta dos inversores afectados por unha operación na que se senten enganados, e reclamou unha solución rápida dende o eido xudicial que lles permita recuperar os seus aforros.
O responsable socialista estivo acompañado nesta xuntanza polos portavoces de Política Institucional, Emprego e Industria, Juan Díaz Villoslada, Noela Blanco e Abel Losada, respectivamente. Por parte do sindicato participaron a secretaria xeral da federación de Servizos, Lucía Trenor, o responsable do sector financeiro, Francisco Villares, e a responsable de CCOO no Banco Popular, Marina Genaro.
Fotografía: Gabinete de Comunicación del BNG
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
