lunes, 20 de abril de 2026
Nota de prensa del Gabinete de Comunicación del BNG:
O BNG vai propoñer aos restantes grupos da Cámara ampliar o obxecto da comisión parlamentaria de investigación da caixas de aforro para incluír a desaparición do Banco Pastor e, ademais, solicitará na reunión da Xunta de Portavoces a comparecencia no próximo pleno do presidente galego para dar explicacións sobre o que cualificou como nova estafa bancaria.
A portavoz nacional, Ana Pontón, cualificou ao xefe do Executivo de cómplice necesario de Galiza perdese o seu sistema financeiro propio. É lamentable ter que dicir que Feijóo non precisou máis de oito anos para liquidar o sistema financeiro galego ao executar ao dedillo a estratexia de centralización e concentración da banca deseñada polo PP e polo PSOE, que resulta tan prexudicial para o tecido empresarial e para os consumidores e consumidoras.
Neste sentido, a dirixente do Bloque replícalle ao presidente da Xunta que non é un problema de falta de competencias, é un problema de incompentencia de quen se nega a exercer como presidente deste país, dixo, tras cualificar de indignante que, tras a extinción dun banco galego centenario, se limite a pedir sensibilidade ao Banco Santander, cando pedirlle sensibilidade á banca é como poñer ao lobo a coidar das ovellas.
Por contra, o Bloque vai esixir responsabilidades políticas ante esta nova modalidade de estafa bancaria, que non pode saldarse con bágoas de crocodilo no Consello da Xunta, dixo Pontón, pois están en xogo miles de postos de traballo e hai miles de galegos e de galegas que perderon todos os seu aforros coa liquidación do Pastor.
A dirixente do Bloque avanzou que pedirá a comparecencia de Feijóo no próximo pleno ademais de propoñer esa ampliación do obxecto de investigación da comisión das caixas de aforro para incluír a liquidación do Pastor e as súas repercusións. Outra vez volveron fallar todos os controis do Banco de España, da CNMV, e do goberno central e galegos e temos a obriga de esixir responsabilidades en sede parlamentaria, alegou Pontón, quen instou a Feijóo a poñerse do lado dos e das afectadas.
O presidente da Xunta ten que reclamar do Santander o mantemento do emprego, da rede de oficinas e do compromiso crediticio coas familias e coas empresas galegas, indicou.
A única que sae ganando con esta nova estafa e Ana Patricia Botín, mentres que as consecuencias da liquidación do Popular e do Pastor son tremendamente negativas porque están en risco miles de empregos, avánzase na consumación do espolio do aforro do país, xera un problema de acceso aos servizos bancarias, en particular no rural e nos concellos pequenos e deixase un regueiro de miles de persoas estafadas que perderon os seus aforros.
Entre as interrogantes, o Bloque pregúntase como foi posible que se permitise a venda do Pastor a unha entidade que estaba na ruína, e como foi posible tamén que se dese luz verde a ampliacións de capital que supoñía vender accións de un banco sen valor que atraparon a moitos pequenos aforradores, entre eles traballadores e traballadoras do propio Pastor.
Fotografía: Gabinete de Comunicación del BNG
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
