jueves, 13 de agosto de 2026
Nota de prensa del Gabinete de Comunicación de UGT-Galicia:
Os traballadores da factoría coruñesa reuníronse en asemblea e, a consecuencia da parálise e bloqueo que a dirección da empresa está impoñendo no proceso de negociación do novo convenio, decidiron convocar tres xornadas de folga.
FICA-UGT considera que a empresa ten marxe para abordar as negociacións con outro talante e outras formas, co fin de avanzar nas mesmas e pechar así un convenio que garanta unhas condicións dignas para todos os traballadores de Alcoa-Coruña.
A Federación galega de Industrias, Construción e Agro (FICA-UGT) amosa o seu apoio á convocatoria de folga na fábrica de aluminios de Alcoa en A Coruña para os días 1, 2 e 3 de xuño para denunciar a situación de bloqueo, por parte da patronal, da negociación do novo convenio colectivo.
Fotografía: Gabinete de Comunicación de UGT-Galicia
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
