sábado, 7 de noviembre de 2026
Nota de prensa del Gabinete de Comunicación del BNG:
A portavoz nacional do BNG, Ana Pontón cualifica de tomadura de pelo o non rotundo do ministro de Fomento, Iñigo de la Senra á transferencia a Galiza da AP-9 como reclamou o Parlamento galego a partir dunha iniciativa impulsada polo BNG.
Para a portavoz nacional do BNG que o goberno de Rajoy negue a transferencia desta infraestrutura evidencia que Feijóo non pinta nada no seu partido. Todas as forzas políticas galegas debemos esixirlle ao Presidente da Xunta que se presente en Madrid e lle plante cara ao goberno do Estado. Feijóo debe defender os intereses de Galiza e non seguir sendo unha marioneta de Mariano Rajoy e do Partido popular.
Pontón advirte que o BNG non aceptará un non por resposta e lembra que o Partido popular non conta coa maioría no Congreso dos deputados.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
