sábado, 7 de noviembre de 2026
Nota de prensa del Gabinete de Comunicación de Esquerda Unida (EU):
Rubén Pérez, membro da Comisión Preparatoria da XII Asemblea Nacional e secretario de Organización de Esquerda Unida xunto a Eva Solla, membro da dirección de Esquerda Unida presentaron en rolda de prensa o punto do proceso asembleario no que se atopan camiño á XII Asemblea Nacional de Esquerda Unida. Eva Solla presentouse como candidata á coordinación de Esquerda Unida por medio do documento Unha Esquerda Unida para a Unidade Popular.
Rubén Pérez presentou un proceso aberto aínda aberto, un camiño no que prima a participación e que está no punto dunha fase que culmina coas asembleas por todo o territorio galego, lugares onde se elixirán os delegados e delegadas que conformarán o groso da nosa Asemblea Nacional, 250 delegadas e delegados e uns 50 simpatizantes que participarán na XII Asemblea Nacional.
Dentro do proceso asembleario, estamos na fase onde se presenta a candidatura para os órganos de dirección de Esquerda Unida. Neste punto, recibimos unha candidatura que cubre todos os requisitos de calidade, reúne os avais necesarios e está encabezada por Eva Solla, co documento: Unha Esquerda Unida para a Unidade Popular. Segundo indican as normas aprobadas da XII Asemblea, esta candidatura se poderá votar a través da web Eslahora, onde están todos os documentos e a lista. Agora tamén estamos a preparar unha APP para que sexa máis sinxelo participar.
Rubén Pérez deu paso a Eva Solla, candidata á coordinación co documento de elaboración colectiva: Unha EU para a Unidade Popular, un documento que representa a visión do camiño iniciado na senda da unidade. Queremos que se debata sobre a unidade popular actual, que se fale da necesidade de abrir un debate sobre a nosa presenza no proceso. Ademais, trataremos a perda de dereitos sociais actuais, ou a perda da capacidade adquisitiva das traballadoras e traballadores, así como moitos outros temas sociais e económicos que creo que deben centrar a actividade de Esquerda Unida nestes vindeiros catro anos.
Eva Solla sinalou que afronta moi contenta e con ilusión a XII Asemblea Nacional de Esquerda Unida, que terá lugar o 3 de xuño de 2017 en Compostela co lema A Forza das Ideas e se celebra no Salón de Actos da Facultade de Psicoloxía.
Fotografía: Gabinete de Comunicación de Esquerda Unida (EU)
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
