jueves, 13 de agosto de 2026
Nota de prensa del Gabinete de Comunicación del PSdeG:
O portavoz do Grupo Socialista, Xoaquín Fernández Leiceaga, acusou ao goberno galego de permitir un tratamento discriminatorio aos cidadáns de Galicia que erosiona o noso autogoberno. A inacción da Xunta, dixo, permite a discriminación inaceptable que suporá a aplicación da sentenza do Tribunal Supremo do 10 de marzo sobre a aplicación da normativa do sector eléctrico.
Explicou que a sentenza obriga a repercutir sobre a factura da luz os 23 millóns de canon eólico en Galicia e abre a porta para que afecte tamén aos tributos sobre augas encoradas e sobre contaminación atmosférica das eléctricas, incrementando o total ata uns 43 millóns de euros.
O Supremo establece agora un prazo de 3 meses para repercutirlle aos recibos da luz dos cidadáns de Galicia, entre outras comunidades autónomas, os sobrecustes aplicados ás eléctricas en concepto de impostos medioambientais autonómicos mentres estivo en vigor o decreto lei de estabilidade orzamentaria aprobado por Rajoy en 2012.
Aquel decreto fixaba como obrigatoria a posibilidade aberta pola Lei do sector eléctrico, que permitía incorporar suplementos territoriais aos consumidores de autonomías con recargos sobre os tributos estatais.
Os socialistas galegos anuncian unha ofensiva parlamentaria para levar ata o límite ao Regulamento do Parlamento para frear esta situación. Fernández Leiceaga apuntou como liñas de actuación a reforma da Lei eléctrica ou mesmo presentar un recurso de inconstitucionalidade, como fixo o propio goberno de Estremadura contra o Real Decreto Lei de estabilidade de 2012.
Fernández Leiceaga instou ao goberno galego a abandonar a súa posición de non sabe/non contesta e decidir se defende aos galegos ou continúa por inacción coa súa complicidade coas eléctricas. Con esta normativa, dixo, as empresas poden despreocuparse pola fiscalidade medioambiental, que xa recaerá sobre os cidadáns.
O portavoz socialista criticou un ataque que non debe quedar sen resposta e explicou que a consecuencia directa será o incremento da tarifa eléctrica e, ademais, desactiva a capacidade tributaria sobre impostos medioambientais aplicados ás compañías eléctricas.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
