jueves, 13 de agosto de 2026
Nota de prensa del Gabinete de Comunicación del BNG:
O BNG aproveitou a celebración do Día da Clase Obreira Galega para facer balance da situación do mercado laboral en Galiza, que se traduce en cifras de desemprego alarmantes entre a xente moza, caída da ocupación e das persoas asalariados e incremento da precariedade, con miles de persoas pobres aínda tendo traballo e que un aumento da sinistralidade.
A crise provocou un grave deterioro das condicións laborais, un recorte de dereitos e un cambio sociolóxico que consiste en que un emprego non garante unha vida digna e hoxe temos traballadores e traballadoras probes, indicou a portavoz nacional, Ana Pontón, desde Ferrol ante o monumento do 10 de Maio en memoria de Daniel e Amador asasinados nas loitas sindicais dos 70 pola policía franquista.
A radiografía do mercado laboral indica que hai 160.000 persoas ocupadas menos que no inicio da crise, e que desde 2009 todo o emprego que se destruíu foi entre xente moza expulsados de Galiza cara a emigración, ao tempo que se incrementaron as desigualdades salariais.
En 2009 o salario dunha persoa con máis ingresos equivalía a 66 traballadoras con menos ingresos. En 2016 a relación era 1 a 89 e, en paralelo, decaen as rendas salariais máis baixas que non chegan a metade do SMI, explicou Pontón. Ao mesmo tempo, a reforma laboral incrementou a sinistralidade en Galiza nun 9%.
Pontón formulou as propostas do Bloque para corrixir esta situación é rescatar os dereitos dos e das traballadoras. En primeiro lugar, derrogar as reformas laborais do PP e do PSOE que están roubándolle dereitos a clase traballadora e provocando unha crise social moi importante, denunciou a portavoz nacional. En segundo lugar, poñer en marcha un Plan de emprego xuvenil para que a mocidade teña oportunidades en Galiza e non teña que escoller entre a emigración ou un salario que non garante uns mínimos vitais. E, en terceiro luar, medidas específicas para acabar coa alta sinistralidade no noso país con máis medios e recursos en inspección de traballo e en prevención de riscos laborais e formación.
Fotografía: Gabinete de Comunicación del BNG
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
