viernes, 14 de agosto de 2026
Nota de prensa del Gabinete de Comunicación del PSdeG:
O portavoz do Grupo Socialista, Xoaquín Fernández Leiceaga, instou ao presidente da Xunta a denunciar a Portugal diante da Comisión Europea por romper as regras da competencia por axudas estatais non autorizadas ao conceder solo industrial gratuíto. Así o dixo na sesión de control ao presidente da Xunta, centrada en torno á fuga da industria auxiliar do automóbil ao país veciño.
Fernández Leiceaga advertiu que unha análise urxente das evidencias sinala que Portugal incumpre a normativa comunitaria ao ofrecer solo industrial a custe 0, o que supón uso de recursos públicos que dan unha vantaxe económica selectiva, con distorsión da competencia e o comercio, segundo o regulamento da UE que regula estas axudas.
O portavoz socialista demandoulle á Xunta que estea máis preocupada e máis activa logo de constatar que por primeira vez a chegada da produción de novos modelos de vehículos a Galicia non atrae novos provedores. De feito, explicou que Portugal acolleu ás últimas 20 novas empresas do sector e Galicia ningunha, e resumiu que nos últimos 5 anos perdemos 2.000 empregos e os nosos veciños gañaron 6.000.
Replicoulle a Feijóo que a, coa excepción de VIZA e GKN, as empresas que rodean Vigo están abrindo novos proxectos ou reforzando os que xa teñen ao outro lado da raia, co que a industria auxiliar galega recibiu un investimento que é un terzo do de Portugal.
Lamentou que o goberno galego asiste pasivamente á rápida deslocalización da industria auxiliar sen unha acción decidida que permitaequilibrar a apertura de novas empresas, a realización de investimentos e a creación de empregos. Demandou a intervención da Xunta en formación, en loxística, en emprendemento, pero sobre todo en materia de solo industrial competitivo.
Fernández Leiceaga instou ao presidente da Xunta a reforzar as vantaxes coas que conta Galicia impulsando a produtividade e a capacidade de innovación, así como a través dun programa de incentivos autorizados máis potente. Propuxo así un programa de formación e fomento do I+D+i empresarial, logo de que pecharan 2016 sen convocar as axudas ´ña formación para ocupados.
Ademais, urxiu á dispoñibilidade e custe do solo industrial que dependa da política pública para competir cun país veciño que dispón de 40 millóns de metros cadrados entre 0 e 50 euros, mentres en Pontevedra custan entre 120 e 350 euros o metro cadrado.
O portavoz socialista propuxo finalmente dotarnos de ferramentas parlamentarias de análise e seguimento, a través da creación dunha subcomisión, dentro da Comisión de Industria do Parlamento, que analice a situación e o futuro da industria do automóbil e propoña en 6 meses as liñas de acción necesarias.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
