viernes, 14 de agosto de 2026
Nota de prensa del Gabinete de Comunicación de En Marea:
O portavoz do grupo parlamentario de En Marea Luís Villares valorou a oferta recibida onte por parte da Xunta para pactar un economista experto de consenso que dirixa o posicionamento de Galicia en materia de financiamento económico na Conferencia de Presidentes. "Dado que deron a coñecer o nome proposto, Santiago Lago Peñas, queremos sinalar que non temos ningunha dúbida da súa solvencia, da súa capacidade, parécenos un dos maiores expertos en materia de financiamento tanto a nivel galego como estatal, pero tal e como avanzamos no pasado pleno non consideramos que haxa que pactar unha persoa concreta, porque esta non é unha cuestión técnica, ten carácter político", apelou Villares.
En Marea fíxolle a oferta ao Conselleiro de Economía e Facenda de sentarse a falar sobre as bases do novo modelo de financiamento autonómico "e unha vez adoptada esa decisión política os mellores expertos farán a proposta técnica derivada desa decisión política ". Villares lembrou en declaracións a medios cales son as prioridades de En Marea nese sentido: "Apelamos a un modelo confederal baseado na soberanía fiscal, nun maior poder financeiro para o noso país, non soamente para facer efectivo o custe consecuencia de ser unha verdadeira autonomía do benestar, senón tamén para poder practicar unha verdadeira política pública de carácter económica e reverter os problemas do país decidida dende a economía baseada na cooperación entre as comunidades autónomas pero en relación de iguais. E hai que establecer uns mínimos de ingresos que entendemos que é o problema que ten o noso país en materia de financiamento. Dentro deste marco estaremos dispostos a chegar a un acordo coas demais forzas políticas."
Na súa intervención, Luís Villares tamén quixo enviar unha mensaxe de apoio ao goberno municipal da Coruña, perante a moción de confianza que veñen de anunciar. "Respaldamos totalmente a posición de Marea Atlántica pois nun proceso de negociación non se poden dar situacións que dean lugar a unha perda de confianza e separarse dos termos do acordo", sinalou Villares e engadiu que confía en que se chegue á mellor solución para todos os coruñeses e coruñesas.
"A Marea Atlántica garantirá a gobernabilidade da cidade e dotar á Coruña duns orzamentos nun tempo razoable para facer as políticas sociais que a xente necesita", concluíu Villares.
Nota de prensa del Gabinete de Comunicación del PPdeG:
O portavoz do Grupo Popular, Pedro Puy, valorou que a Xunta de Galicia confíe no experto en financiamento autonómico Santiago Lago como a persoa que represente a Galicia no debate do novo modelo de financiamento.
Tras as consultas realizadas polo conselleiro co portavoz do Grupo Popular, este tamén valorou positivamente os cambios que se están a producir na reforma do financiamento autonómico. Primeiro, se realizará un traballo técnico por expertos, e despois haberá unha negociación multilateral no Consello de Política Fiscal e Financeira que establecerá o novo sistema, procurando o máximo consenso.
O Grupo Popular salienta que Santiago Lago, que é catedrático de Facenda Pública no Departamento de Economía Aplicada da Universidade de Vigo, e está considerado como un dos expertos universitarios en cuestións de financiamento autonómico e federalismo fiscal con recoñecemento en España e a nivel internacional e é bo coñecedor das necesidades de Galicia, é a persoa adecuada para representar á Comunidade Autónoma de Galicia na Comisión de expertos que analizará as propostas de reforma do novo sistema.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
