domingo, 8 de noviembre de 2026
Nota de prensa del Gabinete de Comunicación de EU-IU:
Respecto aos datos da Enquisa de Poboación Activa (EPA) que o INE fixo públicos, Yolanda Díaz, coordinadora de Esquerda Unida e deputada de En Marea, sinalou que Galicia sigue na senda da destrución incesante do emprego indefinido, onde a temporalidade continúa a ser a característica principal dos contratos en Galicia (os contratos temporais creceron nun 6%), unha porcentaxe que demostra que o obxectivo da reforma laboral do PP, no camiño da destrución do emprego de calidade, estase a cumprir.
Neste senso, para Díaz, non se pode consentir que se oculten claves fundamentais desta lectura. Se ben é certo que traballa máis xente é porque temos o mesmo traballo, ou menos, aínda que máis repartido entre traballadoras e traballadores precarios que cobran menos e non chegan a fin de mes. A realidade é que a masa salarial á a mesma, o que muda son os salarios e as condicións laborais, que empeoran, seguindo así o obxectivo e intereses das grandes multinacionais: a destrución de emprego indefinido e de calidade e a condena de xeracións futuras a vivir condicións precarias inaceptables, sinala.
Doutra banda, o ritmo de creación de emprego está a diminuír perigosamente, o que demostra que estamos nunha situación de debilidade que pode acabar con novos ataques contra os dereitos das traballadoras e traballadores, expresa. Para Esquerda Unida estes datos mostran a incapacidade do modelo de goberno implantado por Feijóo á hora de garantir os dereitos dunha clase traballadora cada vez máis precarizada e afectada pola drástica redución de salarios e da súa calidade de vida.
Nota de prensa del Gabinete de Comunicación de CC.OO. Galicia:
Comisións Obreiras (CCOO) ve na enquisa de poboación activa (EPA) do derradeiro trimestre do 2016 un «balance negativo» do último ano. A xuízo da secretaria de Emprego do sindicato, Maica Bouza, os datos debuxan unha Galicia con menos emprego e un volume «insostible» de paro, precariedade e pobreza. Segundo a sindicalista, a actividade recupérase, mais non o emprego, xa que o noso país segue a padecer os efectos negativos da reforma laboral: substitución de emprego indefinido por eventual e a tempo parcial, peores salarios e menores dereitos asociados.
Menos emprego e un volume insostible de paro, precariedade e pobreza
A responsable de Emprego de CCOO repróballe ao presidente da Xunta que «intensifique» en Galicia as «receitas» de Mariano Rajoy, que ata o de agora deixan máis paro, destrución de emprego, desprotección social e, «sobre todo, perda de expectativas de desenvolver un proxecto de vida na propia terra».
Por esta razón, CCOO insta a Xunta de Galicia a facer unha «emenda á totalidade» das súas políticas e aproveitar os orzamentos que se están a tramitar no Parlamento para recuperar o papel do sector público motor da actividade e do emprego na economía galega. Isto, xunto coa restitución dos dereitos arrebatados aos empregados e empregadas públicas e a aposta por un novo modelo de desenvolvemento e o incremento da protección social.
Maica Bouza pídelle ao sector empresarial «compromiso» coa reactivación da actividade, que ha comezar pola recuperación do poder adquisitivo dos salarios, e continuar pola creación de emprego de calidade. Na súa opinión, estas son condicións «indispensables» non só para restituír os estándares de vida anteriores á crise, senón mesmo para superala.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
