martes, 20 de mayo de 2025
Nota de prensa del Gabinete de Comunicación del PPdeG:
Estamos apostando por unha liña de traballo para achegar a realidade tecnolóxica e dixital na que vive o alumnado ás aulas galegas, ao tempo que os nosos rapaces dispoñan das competencias e habilidades suficientes para desenvolverse no mundo tecnolóxico e dixital actual como cidadán responsable e activo, sinalou o portavoz de Novas Tecnoloxías do Grupo Popular, Moisés Blanco.
Na súa intervención, Blanco lembrou que o programa electoral do PPdeG recolle expresamente o fomento da mellora dos resultados en matemáticas do alumnado, innovando no proceso de ensinanza desta materia polos docentes e ampliando os coñecementos matemáticos a partir da introdución da Programación e a Robótica nos distintos niveis educativos, con especial incidencia na Educación Primaria.
Trátase de desenvolver competencias clave como é a competencia lóxico-matemática e o pensamento computacional desde un enfoque responsable que reduza, e incluso elimine, a fenda dixital, loitando contra o analfabetismo tecnolóxico e funcional, afirmou.
En concreto, o portavoz popular explicou que se traballarán aspectos como a programación, para dotar aos rapaces de habilidades na linguaxe e no modo de organizar o pensamento e cómo abordar os problemas; ou a Robótica, como o modo principal de interactuar cunha contorna que xa é plenamente cibernética.
Moisés Blanco sinalou que as bases da programación e da robótica deben asentarse sobre o cotiá, o lúdico e a resolución de problemas, cunha ancoraxe clara en ámbitos como as matemáticas, as ciencias naturais e sociais, pero tamén a educación artística e musical, ao tempo que se vinculan dun modo transversal a todo o currículo.
A dotación destes equipamentos nos centros de ensino galegos, unida a un plan de formación específico en robótica dirixido ao profesorado vinculado ás ensinanzas tecnolóxicas, ten como fin último que o alumnado dispoña das competencias e habilidades suficientes para desenvolverse no mundo tecnolóxico e dixital actual como cidadáns responsables e activos, indicou.
O portavoz popular asegurou que a robótica educativa é un sistema de ensino interdisciplinario que potencia o desenvolvemento de habilidades e competencias nos alumnos, nomeadamente todas aquelas que se traballan nas áreas científico-técnicas e matemáticas.
Diferentes espazos singulares ao longo do litoral de Galicia serán o escenario dunha nova coprodución teatral do Centro Dramático Galego que, baixo o título Costa da Morte, cartografía dun naufraxio, ten xa programadas 17 representacións entre os meses de xuño e xullo. A creadora Mariña Lestón asina a dramaturxia, dirección e produción desta montaxe, que ela mesma pon en escena para propoñer unha viaxe pola nosa historia marítima a través de relatos reais e cantigas populares interpretadas en directo. Desta volta, Costa da Morte, cartografía dun naufraxio busca poñer en valor o pasado marítimo de Galicia como parte dunha identidade propia, atopándose co público en faros, peiraos, praias e outros lugares de numerosas localidades costeiras.
A campaña é froito da colaboración entre a Xunta e a Federación Galega de Comercio e conta co apoio das Federacións Provinciais de Comercio, as asociacións de comerciantes, os centros comerciais abertos de Galicia e de Abanca. Ten como novidade esta edición -a maiores do sorteo das 44 tarxetas por valor de 250 euros e 60 de 150 euros para mercar nos comercios minoristas galegos- o sorteo en directo entre os asistentes á entrega de premios dun premio de 3.000 euros, para gastar nunha xornada de compras na localidade elexida pola persoa gañadora. Tamén co obxectivo de acadar un impacto directo sobre os comercios e o tecido asociativo de contornas máis locais, darase continuidade á campaña Merca no teu comercio.
