lunes, 10 de agosto de 2026
Nota de prensa del Gabinete de Comunicación del PSdeG:
A portavoz de Economía e Facenda do Grupo Socialista, Begoña Rodríguez Rumbo, acusou ao presidente da Xunta de utilizar a Lei de Acompañamento aos Orzamentos para modificar un mínimo de 21 leis utilizando unha técnica lexislativa impropia contraria ao diálogo, á transparencia, e á calidade democrática.
A responsable socialista anunciou a emenda de devolución a esta Lei, que constitúe un recurso utilizado polo goberno de Feijóo reiteradamente dende 2009, evidenciando un retroceso democrático e unha merma da calidade política e xurídica. Un trámite escurantista, dixo, utilizado para eludir os informes preceptivos e impedir a participación e información aos sectores implicados.
A norma altera, explicou, a Lei de Función Pública pra alterar os criterios de negociación colectiva obviando que se trata dun sistema que non pode ser utilizado para modificar leis de carácter xeral. Tamén é utilizada para crear a Axencia Galega de industria Forestal, cun enfoque productivista e economicista eludindo o debate institucional coa industria e o tecido social e sortear a protección ecolóxica e paisaxística do medio.
Tamén altera o decreto 149/08, que regula as autorizacións para instalacións de produción de enerxía eléctrica a partir de biomasa como mecanismo para abrir a porta á instalación de grandes plantas de biomasa.
Rodríguez Rumbo advertiu que o goberno galego pretende ademais suprimir o corpo de letrados do Consello Consultivo para convertelos en letrados da administración xeral, e facer ao secretario xeral alto cargo de libre designación. Sinalou que esta modificación chega apenas dous anos despois de ter sido aprobada a Lei no Parlamento de Galicia.
A Lei de Acompañamento tamén altera, entre outras, a Lei de Transporte Público de Galicia, a Lei de Emprendemento e Competitividade Económica de Galicia, a Lei de Protección das Persoas Consumidoras e Usuarias, a Lei de Comercio Interior, a Lei de Emprego Público ou a Lei de Minería de Galicia.
Lembra que esta práctica resulta contraria á necesaria transparencia, quebrando o principio de seguridade xurídica, resulta impropia e desaxustada, especialmente tendo en conta o discurso de transparencia e calidade democrática do Goberno e mesmo é considerada como unha fraude á doutrina do Tribunal Constitucional, que é quen determina que non pode ser utilizada para modificar normas xerais.
Fotografía: Gabinete de Comunicación del PSdeG
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
