Noticias

El BNG propone un Parlamento gallego más ágil y abierto a la sociedad

Las diputadas nacionalistas Ana Pontón y Olalla Rodil anunciaron que el BNG presentará una iniciativa para agilizar los tiempos en los trámites de las iniciativas y posibilitar que la ciudadanía y agentes sociales defiendan sus demandas en la Cámara gallega, así como “reducir os tempos nos trámites das iniciativas” e recoñecer o dereito de “peticións”, evitando “o triunfalismo de Feijóo".

Nota de prensa del Gabinete de Comunicación del BNG:

A portavoz do grupo parlamentario do BNG, Ana Pontón anunciou a presentación dunha iniciativa destinada a “axilizar o Parlamento” para dar unha resposta rápida aos problemas de Galiza e abrir esta institución á participación dos galegos e galegas. Neste sentido, rexistrará , nos vindeiros días, unha proposta para “reducir os tempos nos trámites das iniciativas” e recoñecer o dereito de “peticións” para que cidadáns e asociacións podan directamente presentar as súas queixas con “voz directa” no Parlamento galego.

Para a portavoz do BNG é todo un síntoma que o goberno da Xunta confunda a súa maioría absoluta con ter “patente de corso” para esquivar o Parlamento. Levamos tres meses de lexislatura na que non houbo ningunha comparecencia en pleno de ningún dos membros do goberno, e isto , “non ten precedentes na historia do Parlamento”. Nestes días produciuse o asasinado en Galiza de dúas mulleres e tamén a xudicialización dos xestores públicos dos tratamentos da hepatite C,d ende o BNG consideramos que esta situación política e social require “dun goberno activo” e con propostas no Parlamento.

Por outra banda, explicou Pontón, no inicio de ano será debatido o sistema de financiamento, e Feijóo nin o conselleiro da Facenda remitiron aínda á Cámara galega “a súa posición”. Vemos con decepción que a a proposta do BNG sobre un concerto económico para blindar os servizos públicos e que Galiza teña recursos só atopara a descualificación do Partido popular.

Para a portavoz nacionalista, “Feijóo non ten iniciativa nin ambición de país” o que, o seu entender, condúcenos a “irrelevancia política”, unha actitude, recalcou con consecuencias económicas importantes para moitas persoas. Esta semana coñecíamos un dato, para nós “alarmante”, Galiza perderá nunha década a metade dos traballadores o que demostra, asegurou a nacionalista que as medidas económicas do Goberno galego, “fracasaron” e por iso non entendemos o “triunfalismo” de Feijóo nesta materia.

Ana Pontón tamén puxo como exemplo a falta de impulso político dos orzamentos e negou o seu carácter expansivo. No BNG non compartimos as contas da Xunta para o 2017 e presentaremos unha emenda para a súa devolución. “Os orzamentos son continuistas, non aportan ningunha medida contra a crise e non garanten salarios dignos”. O goberno continua cunha política fiscal regresiva e será incrementada a débeda nun 19% que ascenderá a dous mil millóns de euros. Os orzamentos da Xunta non apostan polo rescate dos servizos públicos, a innovación ou o emprego de calidade.

As nosas emendas estarán centradas nunha aposta pola innovación, o retorno da mocidade, o rescate da Sanidade, unha renda de garantía social e un “pacto galego contra a violencia de xénero”, dotado con 95 M€ para atender a prevención, a formación, sensibilización e mellorar a rede de acollemento para aquelas mulleres que padezan esta violencia.

“Quen diga que se pode desenvolver a Lei contra a violencia de xénero con 5 Millóns de euros, descoñece o alcance e necesidades plasmada nesa Lei. O Goberno galego debe ir máis alá porque os recursos son insuficientes e resulta imprescindible avanzar na resposta de todos os servizos ante un caso de violencia”.

Pola súa parte, a viceportavoz do Grupo parlamentario, Olalla Rodil que valorou os primeiros meses de Lexislatura criticou a “prepotencia” do Goberno e a nula intención para o diálogo co resto das forzas parlamentarias. No que levamos vivido, neste período, Feijóo e o seu goberno “ningunean “ o Parlamento e cremos que hai dous exemplos para ilustrar esa actitude, dúas mulleres foron asasinadas, en menos de 12 horas, e non se produciu ningunha comparecencia pública para dar explicacións e de non ser polas forzas da oposición en sesión plenaria, “o Goberno de Feijóo daría carpetazo ao asunto”. Por outro lado coñecemos que a Audiencia ampliou a imputación de dous altos cargos da Xunta por homicidio imprudente no tratamento da Hepatite C, en tampouco houbo ningún pronunciamento por parte do Goberno galego e cando pedimos explicacións no Parlamento, “o goberno volveu a pasar o rodillo e dar a calada por resposta”.

Olalla Rodil coincidiu coa portavoz parlamentaria, Ana Pontón en cualificar o Parlamento como unha “institución cunha burocracia excesiva á hora de dar resposta aos problemas de Galiza” polo que insistiu na necesidade de reducir os tempos na tramitación das iniciativas para “axilizar e adaptar a Cámara galega ás necesidades deste país”

R., 2016-12-29

Actualidad

Foto del resto de noticias (bioincubatech.jpg) A primeira incubadora galega do sector biotecnolóxico, converterase nun verdadeiro viveiro de oportunidades de investimento de alta rendibilidade permitindo a incubación de 40 novas bioempresas en Galicia. BioIncubaTech, da que xa manifestaron o seu interese en participar máis de 30 empresas tratoras como Inditex, Coren, Finsa ou Biofabri, enmárcase na Estratexia galega de impulso á biotecnoloxía 2016-2020, que ten entre os seus principais eixos de acción o de fomentar a transferencia de coñecemento ao mercado.
Foto de la tercera plana (economia_4.jpg) Galicia continúa sendo a comunidade autónoma que mellor paga aos seus provedores, ao acadar no mes de agosto un período medio de pago de 14 días, fronte aos 38 días de media autonómica, segundo os datos oficiais do mes de referencia publicados hoxe polo Ministerio de Facenda. Neste mes, o período medio de pago de Galicia situouse 16 días por debaixo do límite que establece a normativa estatal, que é de 30 días. Pola contra, a media autonómica quedou en 38 días, o que ratifica que Galicia aboa os seus pagamentos 24 días antes que o conxunto das comunidades.

Notas

A Cidade da Cultura celebra este sábado a súa primeira foliada de outono co ‘Magosto no Gaiás’. Para celebrar esta cita cultural e gastronómica con tanto arraigo na cultura popular galega, non só se contará coas imprescindibles castañas senón que se adobiará a festa cos ritmos enxebres e enérxicos de Xosé Lois Romero & Aliboria.
O venres 19 de outubro tivo lugar na Casa de Galicia en Las Palmas de Gran Canaria a inauguración da exposición MANUEL RODRÍGUEZ LÓPEZ, sobre a vida e obra do escritor de Paradela. No devandito acto participaron Albino Aneiros, presidente da Casa de Galicia en Las Palmas, Marisa González Lagarón, membro da Xunta Directiva, e Antonio Giz en representación de GaliciaDigital.
PUBLICIDAD
Deputación de Ourense
ACTUALIDAD GALICIADIGITAL
Blog de GaliciaDigital
PROMOCIÓN
PUBLICACIONES
Publicaciones
Publicaciones Amencer
Revista Egap
Obradoiro de Artesania