sábado, 7 de noviembre de 2026
Nota de prensa del Gabinete de Comunicación de En Marea:
O portavoz parlamentario de En Marea explicou que a intención para este Plenario "é responder ás demandas que a xente nos foi facendo en todas as reunións que mantivemos coa cidadanía desde que chegamos ao Parlamento de Galicia". Villares sinalou que a intención coa celebración do plenario non é "politizar a crítica, senón politizar a ilusión para organizar esa maioría social que quere unha Galicia mellor". Subliñou Villares que o plenario é tamén "a demostración do ánimo participativo que ten En Marea para seguir sumando máis xente a este proxecto político".
Luís Villares e Maria José Bóveda presentaron o Plenario de En Marea que se celebra o sábado 17 de decembro na Facultade de Filoloxía de Santiago de Compostela, entre as 10.00 e as 19.00. Tanto o voceiro parlamentario de En Marea como a integrante de Coordinadora sinalaron que este Plenario é un chanzo máis nun proceso aberto dun proxecto político baseado na democracia e na xustiza social.
María José Bóveda explicou que a inscripción xa superara ampliamente o millar de inscritos á hora de celebración da rolda de prensa (12.00). Bóveda sinalou que o proceso de inscrición permanecerá aberto e que será utilizado no futuro como un dos medios fundamentais para participar nas actividades e na toma de decisións de En Marea.
Para Luís Villares, o plenario é un paso na consolidación de En Marea como "proxecto político en movemento e unha demostración de participación". Villares apuntou que o mesmo "feito de que en menos dunha semana se inscriban máis de mil persoas, tendo en conta o intenso ano político que levamos, quere dicir que a xente ten ganas de participar e que respalda a construción deste proxecto político aberto e participativo".
Fotografía: Gabinete de Comunicación de En Marea
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
