lunes, 10 de agosto de 2026
Nota de prensa del Gabinete de Comunicación del BNG:
A portavoz nacional, Ana Pontón, insta á dirección nacional de PSOE e En Marea a rectificar a vergoñenta moción de censura encuberta en Pontevedra ou ben a dar un paso adiante e presentar unha alternativa de goberno ao que lidera Fernández Lores, despois de que ambas forzas sumasen votos con PP e CD´s nunha gran coalición en versión galega para aprobar unhas contas alternativas.
O todos contra o PP mudou nun todos contra o BNG, reforzando á dereita fronte a un goberno nacionalista que ten colocado Pontevedra como referente internacional polo seu modelo de cidade. Se PP, PSOE, Marea e CD`s teñen un proxecto común para Pontevedra o que teñen que facer é presentar unha moción de censura e gobernar, alegou Pontón.
Neste sentido, a dirixente do Bloque entende que non pode pasar un só día máis sen que PSOE e Marea a nivel galego nos aclaren se avalan este destrutivo pacto de goberno co PP ou se van poñer un pouco de sentido común nos seus grupos municipais ante o que claramente é un ensaio dunha gran coalición á galega, indicou nunha comparecencia na que expresou o total apoio do BNG ao goberno municipal.
Pontón salientou o inédito da situación, sen precedentes en Galiza e no Estado. Non se trata de que a oposición tumbe os presupostos dun goberno, senón que nunha semana aproba un orzamento alternativo. Se teñen un modelo de cidade compartido o lóxico é que gobernen xuntos presentando unha moción de censura para desenvolver ese orzamento pactado, reiterou.
Pontón chamou a atención sobre o feito de que PSOE e Marea logren nunha semana en Pontevedra o que son incapaces de facer nas cidades, mesmo nas que compartían goberno.
Non son capaces de negociar en cidades nas que tiveron acordos, como en Ferrol, ou nas que apoiaron a investidura de gobernos como na Coruña e en Santiago, resulta que cando están na oposición contra o BNG nunha semana son capaces de conformar un orzamento alternativo, ironizou. É decepciónante ver como PSOE e Marea se poñen a bailar ao son que toca o PP para destruír os logros do goberno municipal de Pontevedra, lamentou.
Por iso, Pontón fixo un chamamento expreso a Pilar Cancela e a Xaquín Leiceaga, polo PSOE, e a Luís Villares por En Marea. Van parar esta moción encuberta ou van ser cómplices de esta gran coalición á galega?, interpelaba.
Sei que o PSOE ten unha situación difícil neste momento en Galiza, non sei se Pilar Cancela ou Xaquín Leiceaga teñen autoridade para frear este despropósito e poñer sentido común no grupo municipal. Se a teñen, pídolles que freen esta moción de censura encuberta.
A Villares, Pontón instouno a que non garde un silencio cómplice, ao tempo que amosaba a súa estrañeza polo feito de que aqueles que se presentaron cun programa de todos contra o PP, agora cambien a un todos contra o BNG, todos contra o goberno de Lores en Pontevedra para derrubar un modelo de cidade.
Para a dirixente nacionalista esta gran coalición é máis que un voto en contra do BNG, é un voto en contra do modelo de cidade que, dixo, estou segura non comparten a maioría dos votantes do PSOE ou da Marea. Están malversando a confianza duns veciños e veciñas que non os apoiaron para iso.
Neste sentido, Pontón pediu aos grupos da oposición que non enganen á veciñanza mentido sobre a falta de diálogo do goberno municipal, xa que se negociou durante semanas en comisión bilaterais con todos os grupos da oposición, o que posibilitou a incorporación de propostas aos orzamentos.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
