viernes, 14 de agosto de 2026
Nota de prensa del Gabinete de Comunicación de En Marea:
No marco da rolda de encontros sectoriais que está mantendo En Marea con colectivos e sindicatos, xuntouse cunha representación do grupo parlamentario mantivo unha xuntanza no Parlamento de Galicia co Sindicato Labrego Galego. Trala xuntanza, o deputado de En Marea na Comisión de Agricultura, Davide Rodríguez, anunciou que dende En Marea solicitarán o adianto no pago das axudas da PAC ao mes de outubro, tal e como perciben os gandeiros doutros países veciños europeos. Estamos a mes de novembro e en Galicia aínda non sabemos nada delas, denunciou a Secretaria xeral do SLG, Isabel Vilalba.
Ademais, En Marea solicitará información á Consellería de Medio Rural sobre o desglose de prezos que as industrias lácteas lles están pagando ás granxas galegas pois, como sinalou Davide Rodríguez, sabemos que hai gandeiros que non cobran só 16 céntimos por litro. Sobre os novos proxectos lácteos anunciados pola Xunta, dende o SLG teñen serias dúbidas de que prosperen e de que vaian supor melloras na precaria situación dos gandeiros e gandeiras."En todo caso se se financia con diñeiro público un proxecto, temos que esixir que o pago que se fai polo leite sexa xusto", reivindicou Isabel Vilalba.
Doutra banda, o SLG tamén informou a En Marea que a Xunta está desmantelando as Oficinas de Extensión Agraria e que non existen programas de formación para a xente nova que se incorpora a traballar no medio rural, pois a administración eliminou as partidas dos programas de formación que levaban a cabo as organización sindicais agrarias.
Os deputados da Comisión de Agricultura do Parlamento, Davide Rodríguez e Paula Quinteiro, tamén se reuniron co Consello Regulador da Denominación de Orixe do Ribeiro, que serviu para recoller as principais demandas e necesidades do sector vitivinícola da comarca , así como para intercambiar perspectivas de mellora para os adegueiros.
O despoboamento na comarca e a falta de relevo xeracional, o problema importante de acceso á terra de produción, o prezo na venda da uva, a comercialización do produto, as axudas das administracións e o papel da Administración autonómica no sector vitivinícola, son só algúns dos temas abordados no encontro, que serviu para por en común visións e propostas para trasladar ao Parlamento galego como esixencia dunha aposta clara e decidida polo sector vitivinícola por parte da Administración autonómica.
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
