viernes, 14 de agosto de 2026
Nota de prensa de CC.OO.-Galicia:
CCOO e o resto de sindicatos con representación no Grupo Banco Popular concentraranse en Vigo contra o «ERE salvaxe» que pretende aplicar a dirección da entidade bancaria. O pasado 15 de setembro, a dirección do Grupo Banco Popular anunciou un proceso de reestruturación que terá como resultado o despedimento colectivo de 2900 traballadores e traballadoras dos Bancos Popular e Pastor e o peche de 300 oficinas en todo o estado. En Galicia prevese o despedimento de 435 persoas, o 25 % do actual cadro de persoal.
Para CCOO, esta medida tería «evidentes consencuencias negativas», tanto para quen poida perder o posto de traballo, como para quen continúe en peores condicións ca as actuais, como tamén para a clientela e persoas usuarias dos servizos destas entidades.
Comisións constata a «redución do sistema financeiro galego» e lamentan que os xestores do Grupo Banco Popular ao cal pertence tamén o Banco Pastor tomen esta decisión sen ter en conta o «esforzo» realizado previamente polo persoal para rematar «con éxito» dúas ampliacións de capital destinadas a reforzar a viabilidade da entidade.
Fotografía: CC.OO.-Galicia
Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.
O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.
