sábado, 7 de noviembre de 2026
Nota de prensa del Gabinete de Comunicación de la Xunta de Galicia:
O secretario xeral da Presidencia, Manuel Galdo, compareceu para dar conta do arranque da xornada electoral, que se iniciou sen incidencias de relevancia e coa totalidade das mesas electorais xa constituídas.
A apertura da xornada transcorreu con absoluta normalidade e as únicas incidencias rexistradas foron pequenos atrasos nalgunha mesa, en cidades como A Coruña e Ferrol. Na Coruña foi debido á ausencia dalgún dos membros da mesa e os seus suplentes e en Ferrol porque o material foi gardado nun local anexo e faltaba a chave a primeira hora da mañá. En todos os casos estas pequenas incidencias foron solucionadas e as mesas constituíronse sen novidade.
A totalidade das 3.977 mesas electorais repartidas polos 2.463 colexios electorais de Galicia atopábanse constituídas ás 10 horas. Está prevista unha nova comparecencia ás 12,30 horas para dar conta dos primeiros avances de participación.
En total, o censo electoral nestas eleccións ao Parlamento galego elévase a 2.701.848 persoas, xa que aos 2.255.579 millóns de electores censados en Galicia hai que sumarlle os 446.269 inscritos no Censo Electoral de Residentes Ausentes (CERA). O electorado conta con preto de 35 millóns de papeletas e tres millóns e medio de sobres de votación.
Para a recollida da información habilitouse un dispositivo do que forman parte 2.716 representantes da Administración, que por primeira vez nas eleccións galegas contan cada un cunha tableta para a transmisión de datos da votación desde os colexios electorais ata o centro de procesamento da información.
Todos os cidadáns poderán ter acceso aos datos en tempo real na páxina web http://resultados2016.xunta.gal, onde se ofrecerán datos do escrutinio provisional a nivel autonómico, provincial, comarcal e por concellos, así como datos de participación segundo se vaian recibindo. Esta web é accesible desde dispositivos móbiles como smartphones ou tabletas e permite seguir tamén as roldas de prensa, tanto en directo como en diferido.
VÍDEO: Rueda de prensa de las 12h
Fotografías y más información: Resultados 25S
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
