Noticias

Galicia é a segunda comunidade na que máis decrece o paro: Baixou das 200.000 persoas por primeira vez en sete anos

A Secretaria Xeral de Emprego da Xunta de Galicia, Covadonga Toca, ven de salientar que a nosa Comunidade pechou o mes de xullo con 20.914 desempregados menos ca no pasado 2015, o que supón unha baixa no paro dun 9,67%. Toca indicou que esta boa evolución se pon de manifesto nas afiliacións que con respecto a xuño tiveron un incremento 3 veces superior ao do Estado, situando a Galicia como a terceira comunidade con maior incremento, un 1,67%

O número de persoas sen emprego volve a decrecer nas principais variables, con respecto ao mes pasado, en todos os sectores, nas catro provincias, nas 7 grandes cidades, tanto en homes como en mulleres e en todos os tramos de idade, resaltando o descenso nos menores de 30 nun -16,3% con respecto a 2015.

Por sectores, lidera a baixada a construción cun -16,32% seguido da industria cun -14,62% con relación a 2015.

A Secretaria Xeral sinalou que o Goberno galego continúa traballando para afianzar estas boas cifras e seguir creando postos de traballo estables e de calidade, tal e como quedou reflectido na última EPA.

R, 2016-08-02

Actualidad

Galicia rexistra o mes de xullo máis cálido desde que existen datos climatolóxicosr

Foto del resto de noticias (veran-calor-ferrol.jpg)

Galicia vén de pechar o mes de xullo máis cálido desde 1961, ano a partir do que se dispón na Comunidade de rexistros climatolóxicos. Esta é a principal conclusión do informe mensual elaborado por MeteoGalicia e que presentou esta mañá en Santiago a directora xeral de Enerxías Renovables e Cambio Climático, Paula Uría. Tal e como explicou, o valor medio da temperatura máxima se situou en 29 graos, cunha anomalía positiva de 3,5 graos en comparación cos rexistros das estacións meteorolóxicas máis representativas da Comunidade. Ademais, no caso da temperatura media o dato situouse en 22,5 graos, 2,8 graos por riba do valor normal climatolóxico para este mes.

Galicia acada un novo récord no número de deportistas recoñecidos no alto nivel con preto de 1.950

Foto de la tercera plana (deporte-remo.jpg)

O Diario Oficial de Galicia publicou a orde pola que se actualiza a relación de deportistas de alto nivel, alto rendemento, rendemento deportivo de base e vitalicias, así como persoas adestradoras ou técnicas, xuízas e árbitras recoñecidas de alto nivel. Esta actualización súmase ás realizadas en xuño e establece un novo récord de persoas recoñecidas, que ascenden a 1.941, das que 835 son mulleres (43%) e 1.106 homes (57%). Arredor do 76 % das persoas -1.466- son deportistas galegos de alto nivel (623 mulleres e 843 homes). Ademais, figuran 201 deportistas de alto rendemento (101 mulleres e 100 homes), 183 deportistas de rendemento deportivo de base (86 mulleres e 97 homes), 47 persoas técnicas de alto nivel (catro mulleres e 43 homes), 29 persoas árbitras e xuízas (16 mulleres e 13 homes) e 15 deportistas galegos de alto nivel vitalicios.

Notas

A UDC reúne a expertos internacionais para abordar os grandes retos da cosmoloxía no congreso 'New Frontiers in Cosmology'

A Reitoría da UDC acolleu a inauguración do congreso internacional 'New Frontiers in Cosmology', que terá lugar do 10 ao 14 de agosto. Este encontro, organizado polo Centro de Física Cosmolóxica de Berkeley, a Fundación Simons e a UDC, coa colaboración do CITIC, reúne nestes días a máis de 250 persoas investigadoras de referencia internacional no ámbito da cosmoloxía para analizar os principais retos e avances desta disciplina.

USC, Cambridge e o ICANH de Colombia revelan que agricultores prehispánicos foron os artífices dun enorme sistema hidráulico

As comunidades que habitaron Colombia hai miles de anos lograron realizar extraordinarias obras de enxeñaría baseadas na cooperación entre grupos familiares, sen necesidade dun goberno centralizado, segundo demostra un novo estudo que acaba de publicar a revista Communications Sustainability e cuxa autoría corre a cargo dun equipo integrado por persoal investigador da USC, da Universidade de Cambridge e do Instituto Colombiano de Antropología e Historia (ICANH).